سوڭعى اپتادا الماتىدا گابون مەن ۆەتنامنان ورالعان ەكٸ تۇرعىننان بەزگەك اۋرۋى انىقتالدى. بۇل تۋرالى دەنساۋلىق ساقتاۋ مينيسترلٸگٸنٸڭ ۇلتتىق قوعامدىق دەنساۋلىق ساقتاۋ ورتالىعى مەلٸمدەدٸ, دەپ حابارلايدى ult.kz.
مامانداردىڭ مەلٸمەتٸنشە, جىل باسىنان بەرٸ الماتىدا سىرتتان ەكەلٸنگەن بەزگەكتٸڭ تٶرت جاعدايى تٸركەلگەن. سوڭعى ناۋقاستاردىڭ بٸرٸ گابونعا ٸسساپارمەن بارىپ كەلگەن بولسا, ەكٸنشٸسٸ ۆەتنامدا دەمالىپ قايتقان.
دەرٸگەرلەر ناۋقاستاردان بەزگەكتٸڭ ەكٸ تٷرٸن – تروپيكالىق جەنە ٷش كٷندٸك فورمالارىن انىقتاعان. ونىڭ ٸشٸندە تروپيكالىق بەزگەك اسا قاۋٸپتٸ سانالادى.
مامانداردىڭ ايتۋىنشا, دەر كەزٸندە ەمدەلمەگەن جاعدايدا بۇل اۋرۋ مي, باۋىر, بٷيرەك جەنە تىنىس الۋ جٷيەسٸن زاقىمداپ, تٸپتٸ ٶلٸمگە ەكەلۋٸ مٷمكٸن. ال ٷش كٷندٸك بەزگەك سالىستىرمالى تٷردە جەڭٸل ٶتكەنٸمەن, ونىڭ قوزدىرعىشى اعزادا ۇزاق ۋاقىت ساقتالىپ, بٸرنەشە ايدان كەيٸن قايتا قوزۋى ىقتيمال.
قازٸرگٸ ۋاقىتتا ەكٸ پاتسيەنت تە ستاتسيوناردا ەم قابىلداپ جاتىر. دياگنوزدارى زەرتحانالىق تٷردە راستالعان.
دەنساۋلىق ساقتاۋ سالاسىنىڭ ماماندارى الماتى تۇرعىندارىنا الاڭداۋعا نەگٸز جوق ەكەنٸن اتاپ ٶتتٸ. ٶيتكەنٸ بەزگەك تۇرمىستىق جولمەن جۇقپايدى. اۋرۋ قول الىسۋ, ورتاق ىدىس پايدالانۋ, تاماق, سۋ نەمەسە اۋا-تامشى ارقىلى تارالمايدى. ينفەكتسييا تەك Anopheles تۇقىمداسىنا جاتاتىن جۇقتىرعان ماسانىڭ شاعۋى ارقىلى بەرٸلەدٸ.
ۇلتتىق قوعامدىق دەنساۋلىق ساقتاۋ ورتالىعى ەسٸرەسە ۆەتنامعا ساپارلايتىن ازاماتتارعا ساق بولۋعا كەڭەس بەردٸ. ەلدەگٸ ەپيدەميولوگييالىق جاعداي جاقسارعانىمەن, كەيبٸر اۋىلدىق جەنە ورماندى ٶڭٸرلەردە بەزگەك جۇقتىرۋ قاۋپٸ ەلٸ دە ساقتالىپ وتىر.
ساراپشىلار شەتەلگە شىققاندا رەپەللەنتتەر قولدانۋعا, ماساعا قارسى تورلار مەن فۋميگاتورلاردى پايدالانۋعا, جابىق كيٸم كييۋگە جەنە كەشكٸ ۋاقىتتا اشىق جەردە ۇزاق جٷرمەۋگە كەڭەس بەرەدٸ.
سونداي-اق شەتەلدەن ورالعاننان كەيٸن دەنە قىزۋى كٶتەرٸلٸپ, قالتىراۋ, ەلسٸزدٸك نەمەسە باس اۋرۋى بايقالسا, دەرەۋ دەرٸگەرگە قارالىپ, جاقىندا شەتەلدە بولعانىڭىزدى مٸندەتتٸ تٷردە حابارلاۋ قاجەت.
