الماتىدا بٸرقاتار اۆتوبۋستىڭ مارشرۋتى ٶزگەردٸ, دەپ حابارلايدى "ۇلت اقپارات".
رايىمبەك داڭعىلى مەن پۋشكين كٶشەسٸ قيىلىسىنداعى باعدارشامنىڭ ٸستەن شىعۋىنا بايلانىستى قوعامدىق كٶلٸك مارشرۋتىنا ٶزگەرٸس ەنگٸزٸلدٸ.
رايىمبەك داڭعىلى مەن پۋشكين كٶشەسٸ قيىلىسىنداعى باعدارشامنىڭ كابەل كەرٸزٸن اپاتتىق قالپىنا كەلتٸرۋ جۇمىسى جٷرگٸزٸلٸپ جاتىر.
وسىعان بايلانىستى قاڭتار ايىنىڭ 9 مەن 11 ارالىعىندا رايىمبەك داڭعىلىمەن شىعىس باعىتتاعى قوعامدىق كٶلٸك قوزعالىسى ۋاقىتشا جابىق بولادى.
«4, 7, 11, 23, 50, 54, 59, 69, 78, 117, 141 مارشرۋتتارى ۋاقىتشا رايىمبەك داڭعىلى بويىنداعى توننەل ارقىلى ۇيىمداستىرىلىپ, جولاۋشىلاردى وتىرعىزۋ مەن تٷسٸرۋ ٷشٸن ايالداما ۋاقىتشا جانگەلدين كٶشەسٸ قيىلىسىندا ورنالاسادى» دەپ حابارلادى الماتى قالالىق موبيلدٸلٸك باسقارماسى.
سونىمەن قاتار №203, 207, 204, 221, 208, 220, 222, 224, 228 قالا ماڭى مارشرۋتتارى ۋاقىتشا جانگەلدين – ماقاتاەۆ كٶشەسٸ – كٶكبازار جەنە كەرٸ قاراي دا وسى باعىت بويىنشا ۇيىمداستىرىلادى.
