الماتىدا بٸر وتباسىنداعى جەتٸ ادام يٸس گازىنان ۋلانىپ قالدى, دەپ حابارلايدى Sputnik قازاقستان قالانىڭ تٶتەنشە جاعدايلار قىزمەتٸنە سٸلتەمە جاساپ.
وقيعا 22 اقپاندا تاڭەرتەڭ شۇعىلا شاعىن اۋدانىندا بولعان. تٶتەنشە حابار قۇتقارۋشىلارعا 06.30 كەزٸندە جەتٸپتٸ: بٸر وتباسىنداعى 7 ادام, ولاردىڭ بەسەۋٸ – بالا, يٸس گازىنان ۋلانىپ, اۋرۋحاناعا جٶنەلتٸلگەن.
وقيعا ورىنا كەلگەن ناۋرىزباي اۋدانى تٶتەنشە جاعدايلار بٶلٸمٸنٸڭ قىزمەتكەرلەرٸ انىقتاعانداي, ۋلانۋعا قاتتى وتىنمەن جاناتىن پەش سەبەپ بولعان, ەرەسەكتەر پەشتٸڭ ەسٸگٸن قىمتاپ جابۋدى ۇمىتىپ كەتٸپتٸ.
"بۇدان بۇرىن جەكە سەكتوردى ارالاۋ كەزٸندە اۋداندىق تٶتەنشە جاعدايلار بٶلٸمٸنٸڭ قىزمەتكەرلەرٸ بۇل وتباسىعا جىلۋ ماۋسىمىنداعى قاۋٸپسٸزدٸك ەرەجەلەرٸن تٷسٸندٸرگەن بولاتىن", - دەپ حابارلادى تٶتەنشە جاعدايلار دەپارتامەنتٸ.
قوعامدىق دەنساۋلىق ساقتاۋ باسقارماسى بەرگەن مەلٸمەتكە سٷيەنسەك, قازٸر ناۋقاستاردىڭ ٶمٸرٸنە قاۋٸپ تٶنٸپ تۇرعان جوق. ۋلانۋعا قارسى ەم قابىلداپ جاتىر. جاقىن ارادا اۋرۋحانادان شىعارىلماق.
ايتا كەتسەك, جىلۋ ماۋسىمى باستالعالى بەرٸ تجد قىزمەتكەرلەرٸ جەكە سەكتوردىڭ 145 مىڭ ٷيٸن ارالاپ, 10 مىڭنان استام ادامدى قامتىعان 542 جيىن ٶتكٸزٸپتٸ. تجد باستاماسىمەن بۇل كەزەڭدە ٷيلەردٸ ارالاۋ كەزٸندە تۇرمىسى ناشار وتباسىلاردىڭ ٷيٸنە 136 دانا يٸس گازىنان حابار بەرەتٸن قۇرىلعى ورناتىلعان. بۇل جۇمىس جىلۋ ماۋسىمى بٸتكەنگە دەيٸن جالعاسادى.
قۇتقارۋشىلار تۇرعىندارعا قاتتى وتىنمەن جاناتىن پەشتٸ قولدانعاندا اسا مۇقييات بولىپ, قاۋٸپسٸزدٸك ەرەجەسٸن ساقتاۋ قاجەتتٸگٸن ەسكەرتتٸ.
