الماتىدا قر اقپارات جەنە قوعامدىق دامۋ مينيسترٸ دەۋرەن اباەۆ قوعامدىق كەڭەستٸڭ وتىرىسىندا «قازاقستان رەسپۋبليكاسىندا بەيبٸت جينالىستار, شەرۋ, پيكەتتەر, دەمونستراتسييالىق جينالىستاردى ٶتكٸزۋ مەن ۇيىمداستىرۋ تەرتٸبٸ تۋرالى» جاڭا زاڭ جوباسىنىڭ كونتسەپتسيياسىن كٶپشٸلٸك تالقىلاۋىنا ۇسىندى, دەپ حابارلايدى قازاقپارات.
جۋرناليست سەرگەي پونومارەۆ تٷسٸرگەن ۆيدەولاردى قۇقىق قورعاۋ ورگاندارىنا تاپسىرۋ تۋرالى پۋنكتتٸ ارتىق دەپ سانايتىنىن ايتتى.
«مەن 30 جىل تەلەارنادا تەجٸريبەم بار تٸلشٸمٸن. بٸر جەرگە بارىپ تٷسٸرٸلٸم جاسادىم دەلٸك. ول مەنٸڭ تاۋىپ وتىرعان نەپاقام. ماعان سول كەزدە اٸٸب باسشىسى نەمەسە پروكۋرور كەلٸپ, ۆيدەونى ماعان بەرٸڭٸز, ماعان كەرەك دەيدٸ. تٷسٸرگەن ۆيدەوماتەريالىمدى سوعان بەرەمٸن. ول 2-3 كٷندە قايتارسا جاقسى. بٸراق ول كەزدە ماتەريال ٶزەكتٸلٸگٸن جوعالتادى. مەنٸڭ ويىمشا بۇل قاجەتسٸز پۋنكت. بٸزدٸ ادامدارعا اقپارات جەتكٸزۋ مٷمكٸندٸگٸنەن ايىرىپ وتىر», - دەدٸ جۋرناليست.
دەۋرەن اباەۆ بۇل پۋنكتتٸ تٷزەتۋ كەرەكتٸگٸن ايتتى.
«ەگەر مەسەلە قىلمىستىق جاۋاپكەرشٸلٸك تۋرلى بولسا, ۆيدەو دەلەلدەر بازاسى ٷشٸن جينالۋى مٷمكٸن. ول جاعدايدا دا بٸردەن ەمەس, بەلگٸلٸ بٸر ۋاقىتتان سوڭ. بۇل سٸزدەردٸڭ جەپ وتىرعان ناندارىڭىز, مەن ونى تٷسٸنەمٸن», - دەدٸ د.اباەۆ.
بەلگٸلٸ جۋرناليست تٸلشٸلەردٸ باسقالاردان اجىراتۋ ٷشٸن جيلەت كييۋ شارتىنا قارسى ەكەندٸگٸن ايتتى.
«كەيدە جۋرناليستەر قوعاممەن بٸرگە بولعىسى كەلەدٸ. بۇل بٸزدٸ قورعاۋ ٷشٸن جاسالىپ وتىرعانىن تٷسٸنٸپ تۇرمىن. الايدا بۇل پۋكنت تە كٷمەن تۋعىزادى», - دەدٸ سەرگەي پونومارەۆ.
الايدا مينيستر جۋرناليستەردٸڭ قاۋٸپسٸزدٸگٸ ەڭ ماڭىزدى مەسەلە ەكەندٸگٸن ايتتى.
بولاشاقتا قايعىلى جاعداي بولماس ٷشٸن ونىڭ الدىن العان ابزال.
