Almatyda QR Aqparat jáne qoǵamdyq damý ministri Dáýren Abaev qoǵamdyq keńestiń otyrysynda «Qazaqstan Respýblikasynda beibit jinalystar, sherý, piketter, demonstratsiialyq jinalystardy ótkizý men uiymdastyrý tártibi týraly» jańa zań jobasynyń kontseptsiiasyn kópshilik talqylaýyna usyndy, dep habarlaidy QazAqparat.
Jýrnalist Sergei Ponomarev túsirgen videolardy quqyq qorǵaý organdaryna tapsyrý týraly pýnktti artyq dep sanaitynyn aitty.
«Men 30 jyl telearnada tájiribem bar tilshimin. Bir jerge baryp túsirilim jasadym delik. Ol meniń taýyp otyrǵan nápaqam. Maǵan sol kezde AIIB basshysy nemese prokýror kelip, videony maǵan berińiz, maǵan kerek deidi. Túsirgen videomaterialymdy soǵan beremin. Ol 2-3 kúnde qaitarsa jaqsy. Biraq ol kezde material ózektiligin joǵaltady. Meniń oiymsha bul qajetsiz pýnkt. Bizdi adamdarǵa aqparat jetkizý múmkindiginen aiyryp otyr», - dedi jýrnalist.
Dáýren Abaev bul pýnktti túzetý kerektigin aitty.
«Eger másele qylmystyq jaýapkershilik týrly bolsa, video dálelder bazasy úshin jinalýy múmkin. Ol jaǵdaida da birden emes, belgili bir ýaqyttan soń. Bul sizderdiń jep otyrǵan nandaryńyz, men ony túsinemin», - dedi D.Abaev.
Belgili jýrnalist tilshilerdi basqalardan ajyratý úshin jilet kiiý shartyna qarsy ekendigin aitty.
«Keide jýrnalister qoǵammen birge bolǵysy keledi. Bul bizdi qorǵaý úshin jasalyp otyrǵanyn túsinip turmyn. Alaida bul pýknt te kúmán týǵyzady», - dedi Sergei Ponomarev.
Alaida ministr jýrnalisterdiń qaýipsizdigi eń mańyzdy másele ekendigin aitty.
Bolashaqta qaiǵyly jaǵdai bolmas úshin onyń aldyn alǵan abzal.
