جەبٸرلەنۋشٸ جٷرگٸزۋشٸ امانبەك © almaty.tv
الماتىدا تاكسي جٷرگٸزۋشٸسٸنە شابۋىل جاساپ, 18 رەت پىشاقتاپ, كٶلٸگٸن ۇرلاپ كەتكەن كٷدٸكتٸلەر ەكٸ اپتادان بەرٸ ٸزدەتٸرٸلٸپ جاتىر. جەبٸرلەنۋشٸ امان قالىپ, وپەراتسييا جاساتقان, - دەپ حابارلايدى Tengrinews.kz اگەنتتٸگٸ "الماتى" تەلەارناسىنا سٸلتەمە جاساپ.
وقيعا 12 ناۋرىزدا بولعان. سول كٷنٸ امانبەك قالادا تاكسيمەن ادام تاسىپ جٷرگەن. دۋمان ىقشاماۋدانىنان ەۋەجايعا تاپسىرىس تٷسكەن. مەكەنجاي بويىنشا كەلگەن كەزٸندە ٷش جٸگٸت كٶلٸكتەن شىعۋىن سۇراعان.
"باۋىرىم, سەنٸڭ ارتقى دٶڭگەلەگٸڭنٸڭ جەلٸ شىعىپ كەتٸپتٸ", - دەدٸ ولار ماعان. مەن ەش كٷدٸكتەنبەدٸم. قاراپ شىقتىم - دٶڭگەلەك بٷتٸن, ورنىمنان تۇرا بەرگەندە پىشاق سۇعىپ الدى", - دەيدٸ جەبٸرلەنۋشٸ.
كٷدٸكتٸلەر 18 رەت پىشاقتاعاننان كەيٸن جاساعان ٸستەرٸن جاسىرىپ قالماق بولعان. ولار قانسىراعان امانبەكتٸ بايلاپ, بەلگٸسٸز باعىتتا الىپ كەتكەن.
"قولدارىندا پىشاق بولدى, ٶلتٸرگٸسٸ كەلگەن شىعار. بەلگٸسٸز جەردە توقتاپ, مەنٸ قالدىرىپ كەتتٸ", - دەيدٸ ول.
جەبٸرلەنۋشٸنٸڭ ەكەسٸ بۇل وقيعا تۋرالى تٷنگٸ 23.00 شاماسىندا بٸلگەن. بەلگٸسٸز بٸرەۋ حابارلاسىپ, امانبەكتٸ تاۋىپ العانىن ايتقان. ارتىنشا ونى اۋرۋحاناعا جەتكٸزگەن, ول جەردە مەديتسينا قىزمەتكەرلەرٸ وپەراتسييا جاساعان.
"ەكٸ قىزى بار, ٷيلەنگەن. بەرٸمٸزدٸڭ جاعدايىمىزدى جاساپ وتىر. جالعىز ۇلىم. كٸنەلٸلەر جازاسىن الادى دەپ سەنەمٸن", - دەيدٸ جٷرگٸزۋشٸنٸڭ ەكەسٸ احمەت.
قالالىق پد ٶكٸلدەرٸنٸڭ مەلٸمەتٸنشە, كٷدٸكتٸلەرگە قاتىستى قىلمىستىق ٸس قوزعالعان. ارنايى توپ قۇرىلدى, ونىڭ ٸشٸندە كريمينالدىق پوليتسييا قىزمەتكەرلەرٸ دە بار.
"بۇل قىلمىسقا قاتىستى مٸندەتتٸ تٷردە تەرگەۋ جٷرەدٸ. ٸس "اسا اۋىر" دەپ باعالانىپ وتىر, سوندىقتان پوليتسييا قىزمەتكەرلەرٸ ٸستٸڭ مەن-جايىن انىقتاۋ ٷشٸن بارىن سالادى", - دەيدٸ پد ٶكٸلٸ سالتانات ەزٸربەك.
