الماتىدا باستاۋىش سىنىپ وقۋشىلارى تۇرعىن ٷيلەردٸڭ بٸرٸنشٸ قاباتىندا وقۋى مٷمكٸن. بۇل تۋرالى ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا الماتى قالاسىنىڭ ەكٸمٸ ەربولات دوساەۆ ايتتى, دەپ حابارلايدى قازاقپارات.
ونىڭ ايتۋىنشا, مەملەكەتتٸك مەكتەپتەردٸڭ باستاۋىش سىنىپتارىن فيليال رەتٸندە تۇرعىن ٷي كەشەندەرٸنٸڭ بٸرٸنشٸ قاباتتارىندا ورنالاستىرۋ تەتٸگٸ قاراستىرىلىپ جاتىر.
«الماتىدا «باسقارىلاتىن تاپشىلىق» ورتا مەرزٸمدٸ ساياساتى ٸسكە اسىرىلاتىن بولدى. جاڭا مەملەكەتتٸك جەنە جەكەمەنشٸك بٸلٸم بەرۋ وبەكتٸلەرٸن سالۋ ەسەبٸنەن ورىن تاپشىلىعى قىسقارادى. مەملەكەتتٸك مەكتەپتەردٸڭ باستاۋىش سىنىپتارىن فيليال رەتٸندە تۇرعىن ٷي كەشەندەرٸنٸڭ بٸرٸنشٸ قاباتتارىندا ورنالاستىرۋ تەتٸگٸ قاراستىرىلىپ جاتىر. وسىلايشا, 2022 جىلدىڭ باسىنان بەرٸ 3 316 ورىندىق 54 جەكەمەنشٸك بالاباقشا اشىلدى, وسى جىلدىڭ سوڭىنا دەيٸن تاعى 1 460 ورىندىق 17 بالاباقشا, ونىڭ ٸشٸندە, 560 ورىندىق 2 مەملەكەتتٸك بالاباقشا اشىلادى», - دەيدٸ قالا ەكٸمٸ.
سونىمەن قاتار, مەگاپوليس باسشىسى جىل سوڭىنا دەيٸن 3-6 جاس ارالىعىنداعى بالالاردى مەكتەپكە دەيٸنگٸ بٸلٸممەن قامتۋ 2,4%-عا, مەكتەپتەردەگٸ وقۋشى ورىندارىنىڭ سانى 5%-عا دەيٸن ٶسەتٸنٸن اتاپ ٶتتٸ.
«بيىل ورتا بٸلٸم بەرۋ سالاسىندا 13,8 مىڭ ورىنعا ەسەپتەلگەن 18 وبەكتٸنٸ پايدالانۋعا بەرۋ جوسپارلانىپ وتىر. ونىڭ ٸشٸندە 10 750 ورىنعا 11 جاڭا مەكتەپ, 1 270 ورىنعا 5 قوسىمشا قۇرىلىس, 1 800 ورىندىق 2 عيماراتتى ساتىپ الۋ جوسپاردا», - دەدٸ ەربولات دوساەۆ.
