الماتىدا بالاباقشادان بالا ۇرلاماقشى بولعان ساياگٷل جاڭالىق 6 جىلعا باس بوستاندىعىنان ايىرىلدى, دەپ حابارلايدى "ۇلت اقپارات".
ساياگٷل جانالىق قرقك 24-بابى 3-تارماعى (قىلمىسقا دايىندالۋ جەنە قىلمىس جاساۋعا ەرەكەت ەتۋ) جەنە 125 بابى 2 تارماعى (ادام ۇرلاۋ) بويىنشا ايىپتى دەپ تانىلىپ, 6 جىلعا باس بوستاندىعىنان ايىرىلدى. ول جازاسىن ورتاشا قاۋٸپسٸزدٸك مەكەمەسٸندە ٶتەيتٸن بولادى.
سوت وتىرسىندا ساياگٷل جاڭالىق بارلىق كٸنەسٸن مويىندادى.
«ماعان تاعىلعان ايىپتارمەن تولىق كەلٸسەمٸن. ٸستەگەن ٸسٸمدٸ مويىندايمىن. كٸنەلٸمٸن. سول ٷشٸن قاتتى ۇيالامىن», - دەدٸ سوتتالۋشى ساياگٷل جاڭالىق.
سوت ٷكٸمٸ زاڭدى كٷشٸنە ەنگەن جوق. سوتتالۋشى بۇل شەشٸمگە 15 كٷن ٸشٸندە شاعىمدانۋعا قۇقىلى.
ەستەرٸڭٸزگە سالا كەتەيٸك,16 شٸلدە كٷنٸ الماتىدا بەت-ەلپەتٸن جاسىرعان ەيەل بالاباقشادان بالا ۇرلاماق بولعان. الايدا, جامان ويىن ٸسكە اسىرا المادى. كەيٸن, 25 شٸلدەدە كٷدٸكتٸ ەيەل الماتى وبلىسى كەگەن اۋدانىنداعى اتا-اناسىنىڭ ٷيٸندە ۇستالدى. 30 جاستاعى كٷدٸكتٸ سول بالاباقشانىڭ تەربيەشٸسٸ بولىپ شىقتى.
وسى وقيعادان كەيٸن, الماتى قالالىق بٸلٸم باسقارماسى مەگاپوليستەگٸ بالاباقشالار بالانى تۋىستارىنا نوتاريالدى كۋەلاندىراتىن سەنٸمحاتتى كٶرسەتكەن كەزدە عانا الۋىنا رۇقسات ەتٸلەتٸنٸن ايتتى.
كەيٸنٸرەك, №96 بٶبەكجاي-بالاباقاشاسىنىڭ مەڭگەرۋشٸسٸ ناتاليا كاراسەۆا, بالا ۇرلاماق بولعان تەربيەشٸنٸڭ ەلەۋمەتتٸك جاعدايى جامان ەمەس, ەڭبەكاقىسى باسقا ەرٸپتەستەرٸمەن سالىستىرعاندا ەدەۋٸر جوعارى ەكەنٸن جەتكٸزدٸ.
