Almatyda balabaqshadan bala urlamaqshy bolǵan Saiagúl Jańalyq 6 jylǵa bas bostandyǵynan aiyryldy, dep habarlaidy "Ult aqparat".
Saiagúl Janalyq QRQK 24-baby 3-tarmaǵy (Qylmysqa daiyndalý jáne qylmys jasaýǵa áreket etý) jáne 125 baby 2 tarmaǵy (Adam urlaý) boiynsha aiypty dep tanylyp, 6 jylǵa bas bostandyǵynan aiyryldy. Ol jazasyn ortasha qaýipsizdik mekemesinde óteitin bolady.
Sot otyrsynda Saiagúl Jańalyq barlyq kinásin moiyndady.
«Maǵan taǵylǵan aiyptarmen tolyq kelisemin. Istegen isimdi moiyndaimyn. Kinálimin. Sol úshin qatty uialamyn», - dedi sottalýshy Saiagúl Jańalyq.
Sot úkimi zańdy kúshine engen joq. Sottalýshy bul sheshimge 15 kún ishinde shaǵymdanýǵa quqyly.
Esterińizge sala keteiik,16 shilde kúni Almatyda bet-álpetin jasyrǵan áiel balabaqshadan bala urlamaq bolǵan. Alaida, jaman oiyn iske asyra almady. Keiin, 25 shildede kúdikti áiel Almaty oblysy Kegen aýdanyndaǵy ata-anasynyń úiinde ustaldy. 30 jastaǵy kúdikti sol balabaqshanyń tárbieshisi bolyp shyqty.
Osy oqiǵadan keiin, Almaty qalalyq bilim basqarmasy megapolistegi balabaqshalar balany týystaryna notarialdy kýálandyratyn senimhatty kórsetken kezde ǵana alýyna ruqsat etiletinin aitty.
Keiinirek, №96 bóbekjai-balabaqashasynyń meńgerýshisi Natalia Karaseva, bala urlamaq bolǵan tárbieshiniń áleýmettik jaǵdaiy jaman emes, eńbekaqysy basqa áriptesterimen salystyrǵanda edáýir joǵary ekenin jetkizdi.
