الماتىداعى №96 بٶبەكجاي-بالاباقشاسىندا تاعى دا شۋ شىقتى, دەپ حابارلايدى قازاقپارات.
ەلەۋمەتتٸك جەلٸدە, تٶسەكتە جاتقان بالانى تەربيەشٸ ۇرىپ جاتقان ۆيدەو پايدا بولدى. حابارلامانىڭ اۆتورى سونىمەن بٸرگە بالانىڭ سۋرەتٸن جارييالاپ, ٷيگە جيٸ كٶگەرٸپ كەلەتٸنٸن ايتقان.
«مەن كٷتۋشٸلەر مەن تەربيەشٸلەردەن جەبٸر كٶرگەن بالالاردىڭ ۆيدەوسىن تەك ۋاتساپتان كٶرەتٸنمٸن. ياعني بٸرەۋلەردٸڭ جٸبەرگەنٸن. بٸراق بۇل بٸزدە بولدى. مەنٸڭ تۋعان جيەنٸمدٸ (2 جاستا) ۇرىپ-سوعىپ, جالاڭاش كٷيٸندە تٶسەككە جاتقىزعان. سوسىن ولار بۇل فاكتٸنٸ جاسىردى. ولار بٸزگە بالا قۇلاپ قالدى دەپ ايتتى. ٷيگە كەلگەندە كٸشكەنتايدان سۇرادىق ساعان نە بولدى دەپ, ول «اپاي ۇردى» دەدٸ. الايدا بالانىڭ سٶزٸنە ٷلكەندەر سەنبەيدٸ. ولار ويلايدى بالانىڭ باقشاعا بارعىسى كەلمەيدٸ»,- دەپ جازدى kathrinkaztay قولدانۋشىسى Instagram -دا
الماتى قالالىق بٸلٸم باسقارماسى بۇل فاكتٸنٸ راستادى.
«2019 جىلدىڭ 27 قىركٷيەك كٷنٸ ەكٸ جاستاعى بالانىڭ اناسى الينا گاليەۆا №96 بٶبەكجاي-بالاباقشاسىنىڭ باسشىسىنا كەلدٸ. ول «كۋرنوسيكي» كٸشٸ توبىنا باراتىن ۇلى رولان گاليەۆتٸ ۇرعانى تۋرالى ايتىپ بەينەجازبانى كٶرسەتۋٸن سۇرادى. جازبادا تٷسكٸ ساعات 13:57-دە تەربيەشٸنٸڭ كٶمەكشٸسٸ ي.شادسكيح بالاعا ەكٸ رەت جاقىنداپ, كٶرپەمەن جاۋىپ, اياقتارىن جۇلقىلاپ, مۇرنىنان ۇرىپ جٸبەرگەنٸ انىق كٶرٸنٸپ تۇر. تەربيەشٸنٸڭ كٶمەكشٸسٸ بالانى شىنىمەن دە ۇرعان»,- دەپ حابارلادى بٸلٸم باسقارماسى.
وسى فاكتٸ بويىنشا تەربيەشٸ ك. نۇرىمبەتوۆاعا قاتاڭ سٶگٸس جارييالاندى, ونىڭ كٶمەكشٸسٸ ي. شادسكيح ەڭبەك كودەكسٸنٸڭ 52 بابى 14 تارماعى بويىنشا جۇمىستان شىعارىلدى.
ۇجىمدا 30 قىركٷيەكتە الينا گاليەۆانىڭ قاتىسۋىمەن كەسٸپوداق جينالىسى ٶتتٸ. سونىمەن قاتار 1 قازاندا بالالاردىڭ ٶمٸرٸ مەن دەنساۋلىعىن قورعاۋ تۋرالى بريفينگ ۇيىمداستىرىلدى.
№96 بٶبەكجاي-بالاباقشاسىنىڭ باسشىسى ن.ۆ كاراسەۆاعا الماتى قالالىق بٸلٸم باسقارماسى تەرتٸپتٸك جازا تاعايىندادى.
اتالمىش مەكتەپكە دەيٸنگٸ مەكەمەدە بٷگٸنگٸ كٷنٸ 12 توپ بار. وندا 13 تەربيەشٸ جەنە 4 تەربيەشٸنٸڭ كٶمەكشٸسٸ جۇمىس ٸستەيدٸ. ي. شادسكيح وسى جىلدىڭ سەۋٸر ايىندا جۇمىسقا قابىلدانىپتى.
ەسكە سالساق, وسى جىلدىڭ 16 شٸلدەسٸندە دەل وسى بالاباقشادان باسىنا ٷلكەن شلياپا, كٶزٸنە قارا كٶزٸلدٸرٸك تاققان ەيەل بەس جاسار بالانى ۇرلاماق بولعان.
اراعا توعىز كٷن سالىپ, 25 شٸلدە كٷنٸ پوليتسييا كٷدٸكتٸ ەيەلدٸ ۇستادى. ول سول بالاباقشانىڭ تەربيەشٸسٸ بولىپ شىقتى. كٷدٸكتٸنٸڭ ايتۋىنشا, مۇنداي ەركەتكە اقشا تالاپ ەتۋ ٷشٸن بارعان.
كەيٸن تەربيەشٸنٸڭ ەلەۋمەتتٸك جاعدايى تۋرالى اقپارات شىقتى.
