الماتىدا 3,5 ايعا جەتكٸلٸكتٸ ازىق تٷلٸك قورى بار. بۇل تۋرالى بٷگٸن ەكٸمدٸكتە ٶتكەن بريفينگ بارىسىندا قالا ەكٸمٸنٸڭ ورىنباسارى ساپاربەك تۇياقباەۆ ايتتى, دەپ حابارلايدى قازاقپارات.
شەنەۋنٸك قالا بيلٸگٸنٸڭ ازىق تٷلٸكپەن قامتاماسىز ەتۋ, جالپى بيزنەس سالاسىن تۇراقتاندىرۋ بويىنشا ٸس شارالارى تۋرالى ايتىپ بەردٸ.
«بۇل جەردە ەلەۋمەتتٸك ماڭىزى بار ازىق تٷلٸكپەن قالانى قامتۋ جۇمىسى قولعا الىنىپ جاتىر. جالپى قالا تۇرعىندارى ايىنا 72 مىڭ توننا ازىق تٷلٸك تۇتىنادى. قازٸر بٸز تۇراقتاندىرۋ قورى ارقىلى 18 مىڭ توننا ازىق تٷلٸك دايىندادىق. ونىڭ ٸشٸندە قانت, ماي, قاراقۇمىق, كٶكٶنٸس تاۋىق ەتٸ تاعى باسقا ازىق تٷلٸكتەردٸ ايتۋعا بولادى.
كٶرشٸ ٶڭٸرلەردٸڭ جەنە قالا ٶندٸرۋشٸلەرٸمەن كەلٸسٸمشارت جاسالىپ, 3,5 اي ٸشٸندە قالانى تٷگەل قامتۋعا قور جابدىقتالدى. ونىڭ ٸشٸندە جەكە كەسٸپكەرلەردٸڭ ساۋدا جٷيەلەرٸ, لوگيستيكالىق كومپانييانىڭ قورلارى بار», - دەدٸ ساپاربەك تۇياقباەۆ.
ونىڭ ايتۋىنشا, ازىق-تٷلٸك ساتاتىن دٷكەندەردٸڭ ساۋداسى 2,5 ەسە ٶسكەن.
«ەلەۋمەتتٸك جەلٸلەردە كەي اقپارات تارالىپ جاتىر. كەشە بٷگٸننٸڭ ٶزٸندە ازىق تٷلٸك سالاسىنداعى دٷكەندەردٸڭ ساۋداسى 2,5 ەسە ٶسكەن. بۇل كٷندەلٸكتٸ بولاتىن جاعداي ەمەس, 1-2 كٷندە تىنىشتالادى. دەگەنمەن قالانىڭ قويماسىندا, ساۋدا جٷيەلەرٸندە 3,5 ايعا جەتكٸلٸكتٸ تاۋار بار. تاپشىلىق 1-2 ساعاتتىق تاپشىلىق. ٶيتكەنٸ, ادامداردىڭ كٶپشٸلٸگٸ قاجەتتٸلٸگٸنەن دە كٶپ تاۋار ساتىپ الىپ جاتىر. قازٸر ول مەسەلە شەشٸلگەن. تيٸستٸ تاۋارلار بەرٸ دەر كەزٸندە جەتكٸزٸلٸپ وتىر», - دەدٸ ساپاربەك تۇياقباەۆ.
