الماتىدا قوعامدىق كٶلٸك جاپپاي جول اپاتىن جاسادى, دەپ حابارلايدى "ۇلت اقپارات".
جول-كٶلٸك اپاتىنىڭ ۆيدەوسى ەلەۋمەتتٸك جەلٸلەردە پايدا بولدى. وندا اۆتوبۋستىڭ جول بويىندا تۇرعان كٶلٸكتەردٸ سوعىپ بارىپ توقتاعانىن كٶرۋگە بولادى. بٸرنەشە كٶلٸك زاقىمدانعان.
الماتى قالالىق پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, جول اپاتى 20 قازان كٷنٸ تاڭعى ساعات 05:50-دە بولعان.
«قوعامدىق كٶلٸكتٸ 1982 جىلى تۋعان ە. ەسٸمدٸ جٷرگٸزۋشٸ باسقارعان. ول مۇستافين كٶشەسٸمەن سولتٷستٸك باعىتتا, «وربيتا-1» ىقشاماۋدانىنداعى №21 ٷيگە قاراما-قارسى توقتاعان كەزدە, اۆتوبۋستىڭ ٶزدٸگٸنەن قوزعالۋىنا جول بەرگەن. سالدارىنان قوعامدىق كٶلٸك جولدىڭ شەتٸندە تۇرعان بٸرنەشە اۆتوكٶلٸككە بارىپ سوقتىعىستى. قازٸرگٸ ۋاقىتتا بوستاندىق اۋداندىق پوليتسييا باسقارماسى اتالعان فاكتٸنٸ تٸركەۋگە الىپ, تەرگەۋ جۇمىستارى جٷرگٸزٸلۋدە. زارداپ شەككەندەر جوق», – دەپ حابارلادى پوليتسييادان.
