Almatyda qoǵamdyq kólik jappai jol apatyn jasady, dep habarlaidy "Ult aqparat".
Jol-kólik apatynyń videosy áleýmettik jelilerde paida boldy. Onda avtobýstyń jol boiynda turǵan kólikterdi soǵyp baryp toqtaǵanyn kórýge bolady. Birneshe kólik zaqymdanǵan.
Almaty qalalyq Politsiia departamentiniń baspasóz qyzmetinen málim etkendei, jol apaty 20 qazan kúni tańǵy saǵat 05:50-de bolǵan.
«Qoǵamdyq kólikti 1982 jyly týǵan E. esimdi júrgizýshi basqarǵan. Ol Mustafin kóshesimen soltústik baǵytta, «Orbita-1» yqshamaýdanyndaǵy №21 úige qarama-qarsy toqtaǵan kezde, avtobýstyń ózdiginen qozǵalýyna jol bergen. Saldarynan qoǵamdyq kólik joldyń shetinde turǵan birneshe avtokólikke baryp soqtyǵysty. Qazirgi ýaqytta Bostandyq aýdandyq politsiia basqarmasy atalǵan faktini tirkeýge alyp, tergeý jumystary júrgizilýde. Zardap shekkender joq», – dep habarlady politsiiadan.
