الماتىدا «اۋتيزمدٸ جەڭەمٸز» ەلەۋمەتتٸك جوباسى اياسىندا ينكليۋزيۆتٸ فۋتبول كوماندالارى اراسىندا ماتچ ٶتتٸ, دەپ حابارلايدى قازاقپارات.
اۋتيزمگە شالدىققان بالالار ٶزارا دوپ تەبۋدەن باق سىناستى. «ەلەمدە اۋتيزمدٸ جەڭۋ ٶتە قيىن. بٸراق بٸز ٶز بالالارىمىزدىڭ ٶمٸرٸن كٶرسەتە وتىرىپ, ونى جەڭۋگە بولاتىنىن كٶرسەتكٸمٸز كەلەدٸ. بۇل جاقىندارىنىڭ ماحابباتى مەن قولداۋىنىڭ ارقاسىندا عانا مٷمكٸن بولماق», - دەدٸ «دوم» قوعامدىق قورىنىڭ ديرەكتورى ارۋجان ساين.
«اۋتيزمدٸ جەڭەمٸز» جوباسى ٶز جۇمىسىن 2013 جىلى اۋتيزمٸ بار بالالار اتا-انالارىنىڭ الماتى قالالىق قاۋىمداستىعى جانىندا باستادى. وسى ۋاقىتقا دەيٸن 1500 بالاعا كٶمەك كٶرسەتٸلدٸ. جوبا اۋتيستيكالىق سپەكترٸ بۇزىلعان بالالارى بار قازاقستاندىق وتباسىلاردى قولداۋعا باعىتتالعان. الماتىلىق مادينا كەنجەعۇلوۆانىڭ ۇلى دياس 11 جاستا. بالا اۋتيزمگە شالدىققان. ول جىل بويى فۋتبولمەن شۇعىلدانادى. دياس بۇعان دەيٸن شەتەلدە ەم الىپ جٷرگەن. قازٸر ەم-دوم شارالارى قازاقستاندا دا قولجەتٸمدٸ.
«مەن جوباعا بالامنىڭ قاجەتتٸلٸگٸ ٷشٸن كەلدٸم. وسى جوبانىڭ ارقاسىندا كٶپ جەتٸستٸككە جەتتٸك. ونىڭ الدىندا بالام سٶيلەي المايتىن, ويىن جەتكٸزە المايتىن. قازٸر 3-4 تاڭبالى سانداردى سانايدى, كٶبەيتەدٸ, بٶلەدٸ. ديكتانت جازا الادى. كٷن سايىن لوگوپەدتەرمەن, دەفەكتولوگتارمەن ساباق ٶتەمٸز», - دەدٸ مادينا.
«اۋتيزمدٸ جەڭەمٸز» جوباسى بالالاردى ەلەۋمەتتٸك ورتادا بەيٸمدەۋگە باعىتتالعان. قازٸر مۇندا 80 بالا وڭالتۋ شارالارىنان ٶتٸپ جاتىر.
«دوم» قوعامدىق قورى تۇڭعىش رەت فۋتبول سەكتسيياسىن اشتى. «سپورت سەكتسيياسىن اشۋداعى ماقسات - اۋتيزمٸ بار بالالاردىڭ كوماندالىق ويناۋ قابٸلەتٸن ارتتىرۋ. وسىعان دەيٸن «اۋتيزم» دياگنوزى بار بالالار كوماندادا ويناي المايدى دەگەن پٸكٸر بولاتىن. بٸزدٸڭ سپورت سەكتسييامىز مۇنىڭ ولاي ەمەس ەكەندٸگٸن كٶرسەتتٸ», - دەدٸ ارۋجان ساين.
Autism Speaks حالىقارالىق ۇيىمىنىڭ مەلٸمەتٸنشە, اقش-تا «اۋتيزم» دياگنوزى 59 بالانىڭ ٸشٸندە 1 بالاعا قويىلادى. «اسىل ميراس» قورى حابارلاعانداي, 2018 جىلى قازاقستاندا بۇل دياگنوز 3920 ادامعا قويىلعان.
