بٷگٸن, 19 ماۋسىم كٷنٸ الماتى قالاسىندا قازاقستاننىڭ ٷزدٸك مەكتەپ كوماندالارى اراسىندا شاحمات تۋرنيرٸ باستالدى.
بۇل تۋرنيردٸڭ جەڭٸمپازدارى 2025 جىلى ٶتەتٸن مەكتەپ كوماندالارى اراسىنداعى ەلەم چەمپيوناتىنا FIDE World Schools Team Championship 2025) قاتىسۋ مٷمكٸندٸگٸنە يە بولادى. ەڭ مىقتى التى كوماندا الەكساندرييا قالاسىندا (اقش, ۆيردجينييا شتاتى) 2025 جىلعى 2-7 تامىز ارالىعىندا ٶتەتٸن ەلەمدٸك بٸرٸنشٸلٸككە جولداما الادى. جارىس رەسپۋبليكالىق فيزيكا-ماتەماتيكا مەكتەبٸندە (بۇحار جىراۋ داڭعىلى, 36) ٶتٸپ جاتىر جەنە 20 ماۋسىمعا دەيٸن جالعاسادى. بۇل جٶنٸندە قازاقستان شاحمات فەدەراتسيياسىنىڭ باسپاسٶز قىزمەتٸ حابارلايدى.
12 جاسقا دەيٸن (U12) جەنە 18 جاسقا دەيٸنگٸ (U18) ساناتتاردا سەيكەسٸنشە 21 جەنە 20 كوماندا باق سىناۋدا. ەر كوماندا قۇرامىندا – بٸر مەكتەپتەن شىققان ٷش ۇل جەنە بٸر قىز بار (2024-2025 وقۋ جىلى ٷشٸن). تۋرنير شۆەيتسارييالىق جٷيە بويىنشا ٶتۋدە: بٸرٸنشٸ كٷنٸ – 5 تۋر, ەكٸنشٸ كٷنٸ – 4 تۋر. ۋاقىتتى باقىلاۋ فورماتى – راپيد 10+5 (ەر پارتيياعا 10 مينۋت جەنە ەر جٷرٸس ٷشٸن قوسىمشا 5 سەكۋند). ەر سانات بويىنشا ٷزدٸك ٷش كوماندا جٷلدەلٸ ورىندارعا يە بولىپ, اقشالاي سىيلىقتارمەن ماراپاتتالادى: 1-شٸ ورىنعا – 350 000 تەڭگە, 2-شٸ ورىنعا – 250 000 تەڭگە, 3-شٸ ورىنعا – 150 000 تەڭگە.
18 جاسقا دەيٸنگٸ كاتەگورييا فاۆوريتتەرٸ:
بۇل كاتەگورييادا بەس كوماندا:
الماتىداعى رفمم (رەيتينگٸ – 2215): ەدگار مامەدوۆ (2324), زارينا نۇرعاليەۆا (2081), يمانعالي احيلباي (2288) – لوندوندا ٶتكەن كوماندالىق راپيد جەنە بليتس بويىنشا ەلەم چەمپيوناتىنا قاتىسقان.
استاناداعى رفمم (2042): ەرعالي سٷلەيمەن (2336), كوماندالىق بليتس بويىنشا ەلەم چەمپيوناتىندا 7-تاقتادا التىن مەدال يەگەرٸ, يسلام ەيتەن (2037), سول چەمپيوناتتا ەۋەسقويلار اراسىندا راپيدتەن كٷمٸس جٷلدەگەر.
الماتى قالاسىنداعى م. گاندي اتىنداعى №92 ليتسەي (1992): ميراس اسىلوۆ (2268), 2024 جىلعى ەلەم چەمپيوناتىندا (و16) راپيدتەن كٷمٸس جەنە بليتستەن قولا جٷلدە يەگەرٸ.
الماتىداعى №173 ليتسەي (1953): ەرلان تلەۋحانوۆ (2078), ەلناز قالياحمەت (2238) – 2025 جىلعى قازاقستان چەمپيونى.
استاناداعى SEED Educational Complex (1941): دانيس قۋاندىقۇلى (2069), 2023 جىلعى ەلەم چەمپيونى (و-10), مارييا حولياۆكو (1953), 2024 جىلعى ازييا چەمپيونى (G14).
12 جاسقا دەيٸنگٸ كاتەگورييا فاۆوريتتەرٸ:
استاناداعى رفمم كومانداسى (1690) كٶش باستاپ تۇر. كوماندا قۇرامىندا – ەمٸرجان ەنەتوۆ (1926), 2025 جىلعى ەلەم چەمپيونى (راپيد جەنە بليتس, و-10) بار. قارسىلاستارى دا وسال ەمەس: اقتٶبە قالاسىنداعى د. قوناەۆ اتىنداعى گيمنازييا كومانداسى (1576) – امانبەك ٶتەتٸلەۋ (1859), شىمكەنت قالاسىنداعى و. جولداسبەكوۆ اتىنداعى №9 IT-ليتسەي كومانداسى (1562) – نۇرساي جۇمابەك (1642).
سالتاناتتى اشىلۋ رەسٸمٸن كەلەسٸ «رەسپۋبليكالىق فيزيكا-ماتەماتيكا مەكتەبٸ» كەاق باسقارما تٶراعاسىنىڭ ورىنباسارى الماس قۇنعوجين, الماتى قالاسىنداعى رفمم فيليالىنىڭ ديرەكتورى مەيٸرلان مەيٸربەك جەنە KazChess بٸلٸم بەرۋ جوبالارى دەپارتامەنتٸ ديرەكتورىنىڭ ورىنباسارى ەدييا نۇرمانوۆا ٶتكٸزدٸ. U-18 جەنە U-12 ساناتتارىنىڭ كٶشباسشىلارى اراسىندا سيمۆوليكالىق العاشقى جٷرٸس جاسالدى. تۋرنيردٸڭ باس تٶرەشٸسٸ سەرگەي كيم جارىستىڭ باستالعانىن رەسمي تٷردە جارييالادى.
2023 جىلدىڭ تامىز ايىندا اقتاۋ قالاسى مەكتەپ كوماندالارى اراسىنداعى العاشقى ەلەم چەمپيوناتىن قابىلدادى. بۇل جارىسقا 53 ەلدەن كەلگەن 300-دەن استام شاحماتشى قاتىستى. بٸر جىلدان كەيٸن قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆ حالىقارالىق مەكتەپ شاحمات فەدەراتسيياسىن (ISCF) قۇرىپ, ونىڭ تۇڭعىش پرەزيدەنتٸ اتاندى. قازٸرگٸ تاڭدا FIDE مەن ISCF بٸرلەسە وتىرىپ, جاڭا ەلەم چەمپيوناتىن اقش-تىڭ ۆاشينگتون قالاسىنا ٸرگەلەس ورنالاسقان الەكساندرييادا ۇيىمداستىرۋدا.
الماتىداعى تۋرنير – ەلەمدٸك ارەناعا شىعۋعا مٷمكٸندٸك بەرەتٸن جاس تالانتتاردىڭ تارتىسى. التى كوماندا اقش-قا اتتانىپ, قازاقستاندىق شاحماتتىڭ قۋاتىن ەلەمگە دەلەلدەۋگە مٷمكٸندٸك الادى. بۇل جارىس – حالىقارالىق دودالاردا توپ جارعان بولاشاق جۇلدىزداردىڭ ويىنى. تۋرنير اسا تارتىستى جەنە ەسەرلٸ بولماق.
