Búgin, 19 maýsym kúni Almaty qalasynda Qazaqstannyń úzdik mektep komandalary arasynda shahmat týrniri bastaldy.
Bul týrnirdiń jeńimpazdary 2025 jyly ótetin mektep komandalary arasyndaǵy álem chempionatyna FIDE World Schools Team Championship 2025) qatysý múmkindigine ie bolady. Eń myqty alty komanda Aleksandriia qalasynda (AQSh, Virdjiniia shtaty) 2025 jylǵy 2-7 tamyz aralyǵynda ótetin álemdik birinshilikke joldama alady. Jarys Respýblikalyq fizika-matematika mektebinde (Buhar Jyraý dańǵyly, 36) ótip jatyr jáne 20 maýsymǵa deiin jalǵasady. Bul jóninde Qazaqstan shahmat federatsiiasynyń baspasóz qyzmeti habarlaidy.
12 jasqa deiin (U12) jáne 18 jasqa deiingi (U18) sanattarda sáikesinshe 21 jáne 20 komanda baq synaýda. Ár komanda quramynda – bir mektepten shyqqan úsh ul jáne bir qyz bar (2024-2025 oqý jyly úshin). Týrnir shveitsariialyq júie boiynsha ótýde: birinshi kúni – 5 týr, ekinshi kúni – 4 týr. Ýaqytty baqylaý formaty – rapid 10+5 (ár partiiaǵa 10 minýt jáne ár júris úshin qosymsha 5 sekýnd). Ár sanat boiynsha úzdik úsh komanda júldeli oryndarǵa ie bolyp, aqshalai syilyqtarmen marapattalady: 1-shi orynǵa – 350 000 teńge, 2-shi orynǵa – 250 000 teńge, 3-shi orynǵa – 150 000 teńge.
18 jasqa deiingi kategoriia favoritteri:
Bul kategoriiada bes komanda:
Almatydaǵy RFMM (reitingi – 2215): Edgar Mamedov (2324), Zarina Nurǵalieva (2081), Imanǵali Ahilbai (2288) – Londonda ótken komandalyq rapid jáne blits boiynsha álem chempionatyna qatysqan.
Astanadaǵy RFMM (2042): Erǵali Súleimen (2336), komandalyq blits boiynsha álem chempionatynda 7-taqtada altyn medal iegeri, Islam Áiten (2037), sol chempionatta áýesqoilar arasynda rapidten kúmis júldeger.
Almaty qalasyndaǵy M. Gandi atyndaǵy №92 litsei (1992): Miras Asylov (2268), 2024 jylǵy álem chempionatynda (O16) rapidten kúmis jáne blitsten qola júlde iegeri.
Almatydaǵy №173 litsei (1953): Erlan Tleýhanov (2078), Elnaz Qaliahmet (2238) – 2025 jylǵy Qazaqstan chempiony.
Astanadaǵy SEED Educational Complex (1941): Danis Qýandyquly (2069), 2023 jylǵy álem chempiony (O-10), Mariia Holiavko (1953), 2024 jylǵy Aziia chempiony (G14).
12 jasqa deiingi kategoriia favoritteri:
Astanadaǵy RFMM komandasy (1690) kósh bastap tur. Komanda quramynda – Ámirjan Ánetov (1926), 2025 jylǵy álem chempiony (rapid jáne blits, O-10) bar. Qarsylastary da osal emes: Aqtóbe qalasyndaǵy D. Qonaev atyndaǵy gimnaziia komandasy (1576) – Amanbek Ótetileý (1859), Shymkent qalasyndaǵy O. Joldasbekov atyndaǵy №9 IT-litsei komandasy (1562) – Nursai Jumabek (1642).
Saltanatty ashylý rásimin kelesi «Respýblikalyq fizika-matematika mektebi» KEAQ Basqarma tóraǵasynyń orynbasary Almas Qunǵojin, Almaty qalasyndaǵy RFMM filialynyń direktory Meiirlan Meiirbek jáne KazChess bilim berý jobalary departamenti direktorynyń orynbasary Ádiia Nurmanova ótkizdi. U-18 jáne U-12 sanattarynyń kóshbasshylary arasynda simvolikalyq alǵashqy júris jasaldy. Týrnirdiń bas tóreshisi Sergei Kim jarystyń bastalǵanyn resmi túrde jariialady.
2023 jyldyń tamyz aiynda Aqtaý qalasy mektep komandalary arasyndaǵy alǵashqy álem chempionatyn qabyldady. Bul jarysqa 53 elden kelgen 300-den astam shahmatshy qatysty. Bir jyldan keiin Qazaqstan shahmat federatsiiasynyń prezidenti Timýr Týrlov Halyqaralyq mektep shahmat federatsiiasyn (ISCF) quryp, onyń tuńǵysh prezidenti atandy. Qazirgi tańda FIDE men ISCF birlese otyryp, jańa álem chempionatyn AQSh-tyń Vashington qalasyna irgeles ornalasqan Aleksandriiada uiymdastyrýda.
Almatydaǵy týrnir – álemdik arenaǵa shyǵýǵa múmkindik beretin jas talanttardyń tartysy. Alty komanda AQSh-qa attanyp, qazaqstandyq shahmattyń qýatyn álemge dáleldeýge múmkindik alady. Bul jarys – halyqaralyq dodalarda top jarǵan bolashaq juldyzdardyń oiyny. Týrnir asa tartysty jáne áserli bolmaq.
