الماتىداعى باۋما توعايىندا ٷستٸنە اعاش قۇلاعان 19 جاستاعى سەلينا ەبيتوۆانىڭ جاعدايى ەلٸ دە اۋىر. ول بٸر اپتادان بەرٸ №4 قالالىق كلينيكالىق اۋرۋحانانىڭ جانساقتاۋ بٶلٸمٸندە كومادا جاتىر, دەپ حابارلايدى ult.kz.
NewTimes.kz مەلٸمەتٸنشە, قىز اۋىر باس-مي جاراقاتىن الىپ, اياق جەنە جامباس سٷيەكتەرٸ سىنعان, سونداي-اق باۋىرى زاقىمدانعان. دەرٸگەرلەر ميعا تٷسەتٸن قىسىمدى ازايتىپ, ٶمٸرٸنە تٶنگەن قاۋٸپتٸ تٶمەندەتۋ ٷشٸن باس سٷيەگٸنٸڭ بٸر بٶلٸگٸن الىپ تاستاۋعا مەجبٷر بولعان.
مارقۇمنىڭ ەپكەسٸ ياسمينانىڭ ايتۋىنشا, قايعىلى وقيعا سەنبٸ كٷنٸ بولعان. سەلينا اناسى مەن ٷش كٸشٸ سٸڭلٸسٸمەن بٸرگە باۋما توعايىندا سەرۋەندەپ جٷرگەن كەزدە وتباسىنان از ۋاقىتقا الىستاپ كەتكەن. قايتىپ كەلە جاتقان سەتٸندە ونىڭ ٷستٸنە كەنەتتەن ٷلكەن اعاش قۇلاعان.
ەپكەسٸنٸڭ سٶزٸنشە, وقيعا بٸرنەشە سەكۋند ٸشٸندە بولعان. جەدەل جەردەم شامامەن 10 مينۋتتا جەتكەنٸمەن, سەلينا سول سەتتەن بەرٸ ەسٸن جيماي جاتىر.
دەرٸگەرلەر العاشقى التى كٷن بويى ەشقانداي بولجام جاساماعان. كەيٸن قان قىسىمى مەن گەموگلوبين دەڭگەيٸن تۇراقتاندىرۋعا مٷمكٸندٸك تۋعان. قازٸر وعان بەرٸلٸپ جاتقان دەرٸ-دەرمەكتەردٸڭ مٶلشەرٸ بٸرتٸندەپ ازايتىلىپ جاتىر. الايدا ماماندار مي ٸسٸنۋٸ نەمەسە جاڭا گەماتومالاردىڭ پايدا بولۋ قاۋپٸ ەلٸ دە ساقتالىپ وتىرعانىن ايتادى.
وتباسىنىڭ ايتۋىنشا, وقيعا قاتتى جەلدٸڭ نەمەسە داۋىلدىڭ سالدارىنان بولماعان. ولاردىڭ مەلٸمەتٸنشە, اعاش كٷن اشىق ەرٸ اۋا رايى تىنىق كەزدە قۇلاعان, ال جاڭبىر مەن جەل شامامەن 10–15 مينۋتتان كەيٸن عانا باستالعان.
قازٸر وتباسى ادۆوكات جالداپ, مەملەكەتتٸك ورگاندارعا رەسمي ساۋال جولداعان. قۇلاعان اعاش ساراپتاماعا جٸبەرٸلگەن, ونىڭ قورىتىندىسى 7–10 كٷن ٸشٸندە دايىن بولادى. زاڭگەردٸڭ الدىن الا باعالاۋىنشا, وقيعاعا جاۋاپكەرشٸلٸك توعايعا كٷتٸم جاسايتىن مەكەمەگە نەمەسە جەرگٸلٸكتٸ اتقارۋشى ورگاندارعا جٷكتەلۋٸ مٷمكٸن.
الماتى ەكٸمدٸگٸ وقيعا بويىنشا سوتقا دەيٸنگٸ تەرگەۋ باستالعانىن مەلٸمدەدٸ. ۆەدومستۆونىڭ حابارلاۋىنشا, باۋما توعايىندا اعاشتاردىڭ قۇلاۋ قاۋپٸ تۋرالى ەسكەرتۋ بەلگٸلەرٸ ورناتىلعان. سونىمەن قاتار بيىل سانيتارلىق كەسۋ اياسىندا 2 مىڭ قۋراعان جەنە اپاتتى اعاشتى كەسۋگە رۇقسات بەرٸلگەن. قازٸرگٸ ۋاقىتقا دەيٸن ولاردىڭ مىڭعا جۋىعى جويىلعان, قالعان جۇمىستار جىل سوڭىنا دەيٸن اياقتالادى.
ەكٸمدٸك مەلٸمەتٸنشە, 1877 جىلى نەگٸزٸ قالانعان باۋما توعايىنداعى اعاشتاردىڭ 70 پايىزدان استامى تابيعي قارتايۋ كەزەڭٸنە جەتكەندٸكتەن, سىرت كٶزگە ساۋ كٶرٸنەتٸن اعاشتاردىڭ ٶزٸ قۇلاۋ قاۋپٸن تۋدىرۋى مٷمكٸن.
