«الماتى» ەكك» اق-نىڭ ەنشٸلەس ۇيىمى «Almaty Finance» جشس جاڭا ستۋدەنتتەر جاتاقحاناسىنىڭ قۇرىلىسىن سالۋ ٷشٸن «BAZA 271» جشس-نە جەڭٸلدەتٸلگەن قارجىلاندىرۋ ۇسىندى, دەپ حابارلايدى ult.kz.
جوبانى جٷزەگە اسىرۋعا «Almaty Business – 2025» باعدارلاماسى اياسىندا جىلدىق 6% مٶلشەرلەمەمەن, 7 جىل مەرزٸمگە 500 ملن تەڭگە بٶلٸندٸ.
جوبا الماتىنىڭ بٸلٸم بەرۋ ينفراقۇرىلىمىن دامىتۋعا, ستۋدەنتتەردٸ زاماناۋي ەرٸ جايلى تۇرعىن ٷيمەن قامتاماسىز ەتۋگە جەنە ستۋدەنتتٸك جاتاقحانالارداعى ورىن تاپشىلىعىن ازايتۋعا باعىتتالعان.
جالپى اۋدانى 3 537,2 شارشى مەتر بولاتىن جاڭا جاتاقحانا 400 ورىنعا ەسەپتەلگەن. عيمارات تٶرت قاباتتان جەنە جەرتٶلە قاباتىنان تۇرادى. مۇندا الماتىداعى جوعارى وقۋ ورىندارىنىڭ ستۋدەنتتەرٸ تۇرا الادى.
جوبانىڭ جالپى قۇنى 750 ملن تەڭگە. ونىڭ ٸشٸندە 250 ملن تەڭگە – ينۆەستوردىڭ ٶز قاراجاتى, ال 500 ملن تەڭگە – «Almaty Finance» جشس ۇسىنعان قارىز قاراجاتى. سونىمەن قاتار جوبا قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸنٸڭ «قارجى ورتالىعى» اق ارقىلى مەملەكەتتٸك سۋبسيدييالاۋ تەتٸگٸمەن جٷزەگە اسىرىلادى. سۋبسيدييا مٶلشەرٸ – جاتاقحانادا تۇراتىن ەربٸر ستۋدەنتكە 230 اەك.
جاتاقحانادا تۇرۋدىڭ جوسپارلانعان قۇنى – بٸر ستۋدەنتكە ايىنا 45 مىڭ تەڭگە.
