الماتى ەكٸمدٸگٸ 28 پانفيلوۆشى ساياباعىندا بولعان ۆانداليزمگە قاتىستى تٷسٸنٸك بەردٸ, دەپ حابارلايدى قازاقپارات.
«قاڭتارداعى جاپپاي تەرتٸپسٸزدٸك كەزٸندە گوگول مەن پۋشكين كٶشەلەرٸ قيىلىسىنداعى 28 پانفيلوۆشى ساياباعىندا 9 شارشى مەتر گرانيت تاقتايشا قيراتىلىپ, كٸرەبەرٸستەگٸ جازۋدىڭ 5 ەرپٸ ۇرلانعان بولاتىن. سونداي-اق مەڭگٸلٸك الاۋ ماڭىنان 2 ەرٸپ ۇرلانىپ, جاۋىنگەرلەردٸڭ اتى جازىلعان 4 شويىن ەسكەرتكٸش بۇزىلدى. قالپىنا كەلتٸرۋ جۇمىستارى اقپان ايىندا اياقتالدى», - حابارلادى قالالىق ەكٸمدٸكتەن.
الايدا قالپىنا كەلتٸرۋ جۇمىستارى اياقتالعاننان كەيٸن 4 ناۋرىز كٷنٸ ساعات 10:00-دە گوگول كٶشەسٸ جاعىنداعى كٸرەبەرٸستە تاعى 2 ەرٸپتٸڭ جەنە ەسكەرتكٸشتەن 8 شويىن ماڭدايشانىڭ جوعالعاندىعى انىقتالدى.
ال, 5 ناۋرىزدا قولادان جاسالعان 2 ەرٸپتٸڭ ۇرلانعانى بەلگٸلٸ بولدى. بۇزىلعان گرانيت پەن جوعالعان ەرٸپتەردٸڭ جالپى شىعىنى 5,7 ملن تەڭگە.
قالا ەكٸمدٸگٸ اتالعان دەرەكتەردٸ الماتى قالاسىنىڭ پوليتسييا دەپارتامەنتٸ تٸركەپ, ساياباقتاعى تەكسەرٸس جۇمىستارىن كٷشەيتكەنٸن جەتكٸزدٸ.
«قالپىنا كەلتٸرۋ جۇمىستارى 22 ناۋرىزعا دەيٸن جٷرگٸزٸلەتٸن بولادى. تاريحي ەسكەرتكٸشتەرگە قاتىستى ۆانداليزم فاكتٸلەرٸنٸڭ جيٸلەپ كەتكەندٸگٸنە بايلانىستى قالا ەكٸمدٸگٸ الماتىلىقتاردى قالا مٷلكٸنە مۇقييات قاراپ, ٶز تاريحىمىزعا سىيلاستىق تانىتۋعا شاقىرادى», - دەلٸنگەن حابارلامادا.
