الماتىنى قالىڭ قار باستى. قالادان 2 240 تەكشە مەتر قار شىعارىلدى, دەپ حابارلايدى قازاقپارات.
الماتىعا 3-4 قاراشا كٷندەرٸ توقتاۋسىز قار جاۋدى. قالاداعى قاردىڭ قالىندىعى 8 سم. تاۋ بٶكتەرٸندەگٸ اۋدانداردا – 10 سم, تاۋلى اۋدانداردا 15 سم-گە دەيٸن جەتتٸ.
كٶكتايعاقتىڭ الدىن الۋ ٷشٸن قار جاۋعان كەزدەن باستاپ جولدارعا, قيىلىستارعا, جولايرىقتارىنىڭ كٸرەبەرٸستەرٸنە, تاۋ بٶكتەرٸنە جەنە تاۋلى ايماقتارعا كٶكتايعاقتارعا قارسى ماتەريالدار سەبٸلدٸ.
«4 قاراشادان 5 قاراشاعا قاراعان تٷنٸ قار تازالاۋ جۇمىستارىنا 37 قار تيەگٸش, 36 ساموسۆال, 9 اۆتوگرەيدەر جەنە 236 جول جۇمىسشىسى تارتىلدى. سىرتقا بارلىعى 2240 تەكشە مەتر قار شىعارىلدى»,- دەلٸنگەن ەكٸمدٸك تاراتقان حابارلامادا.
اۋداندىق ەكٸمدٸكتەر مەن قالا ەكٸمدٸگٸندە قار تازالاۋ جۇمىستارىن تەۋلٸك بويى باقىلايتىن كەزەكشٸلٸك ۇيىمداستىرىلدى.
الداعى ەكٸ كٷندە اۋا تەمپەراتۋراسىنىڭ تٶمەندەۋٸنٸڭ بولجانۋىنا وراي جىلى كيٸنۋ, جٷرگٸزۋشٸلەر مەن جاياۋ جٷرگٸنشٸلەر كٶكتايعاقتىڭ پايدا بولۋىنا بايلانىستى ساقتىق شارالارىن ساقتاۋلارى قاجەت.
