Almatyny qalyń qar basty. Qaladan 2 240 tekshe metr qar shyǵaryldy, dep habarlaidy QazAqparat.
Almatyǵa 3-4 qarasha kúnderi toqtaýsyz qar jaýdy. Qaladaǵy qardyń qalyndyǵy 8 sm. Taý bókterindegi aýdandarda – 10 sm, taýly aýdandarda 15 sm-ge deiin jetti.
Kóktaiǵaqtyń aldyn alý úshin qar jaýǵan kezden bastap joldarǵa, qiylystarǵa, jolairyqtarynyń kireberisterine, taý bókterine jáne taýly aimaqtarǵa kóktaiǵaqtarǵa qarsy materialdar sebildi.
«4 qarashadan 5 qarashaǵa qaraǵan túni qar tazalaý jumystaryna 37 qar tiegish, 36 samosval, 9 avtogreider jáne 236 jol jumysshysy tartyldy. Syrtqa barlyǵy 2240 tekshe metr qar shyǵaryldy»,- delingen ákimdik taratqan habarlamada.
Aýdandyq ákimdikter men qala ákimdiginde qar tazalaý jumystaryn táýlik boiy baqylaityn kezekshilik uiymdastyryldy.
Aldaǵy eki kúnde aýa temperatýrasynyń tómendeýiniń boljanýyna orai jyly kiiný, júrgizýshiler men jaiaý júrginshiler kóktaiǵaqtyń paida bolýyna bailanysty saqtyq sharalaryn saqtaýlary qajet.
