فوتو: Pexels.com
الماتى قالاسى بويىنشا قارجىلىق مونيتورينگ اگەنتتٸگٸنٸڭ دەپارتامەنتٸ كٶلٸك قۇرالدارىن زاڭسىز تٸركەۋ دەرەگٸ بويىنشا تەرگەۋدٸ اياقتادى, دەپ حابارلايدى Ult.kz
انىقتالعانداي, ٷش جىل بويى بٸر توپ ادام ارنايى حقكو قىزمەتكەرلەرٸمەن بٸرگە كٶلٸكتەردٸ باستاپقى تٸركەۋگە ارنالعان الىمدى تٶلەمەي, جالعان تٸركەۋ سحەماسىن جٷزەگە اسىرىپ كەلگەن.
سحەما دەلدالدار ارقىلى جۇمىس ٸستەگەن. ولار الىمنان جالتارعىسى كەلەتٸن ازاماتتاردى تاۋىپ, كٶلٸكتەردٸ جالعان تۇلعالاردىڭ اتىنا رەسٸمدەپ وتىرعان. حقكو قىزمەتكەرلەرٸ اقپاراتتىق جٷيەگە جالعان مەلٸمەتتەر ەنگٸزٸپ, زاڭسىز تٸركەۋدٸ قامتاماسىز ەتكەن.
تەرگەۋ نەتيجەسٸندە 132 اۆتوكٶلٸك زاڭسىز تٸركەلگەنٸ انىقتالدى. مەملەكەتكە كەلتٸرٸلگەن شىعىن كٶلەمٸ 1,2 ملرد تەڭگەدەن اسقان. ٸس بارىسىندا 273 ملن تەڭگە كٶلەمٸندەگٸ الىمدار ەرٸكتٸ تٷردە ٶتەلدٸ.
سوت ٷكٸمٸمەن ٷش ادام 3 جىلدان 4 جىل 6 ايعا دەيٸنگٸ مەرزٸمگە باس بوستاندىعىنان ايىرىلدى. سونداي-اق قىلمىستىق جولمەن الىنعان 7 اۆتوكٶلٸك تەركٸلەندٸ. ٷكٸم زاڭدى كٷشٸنە ەندٸ.
