بٷگٸن الماتىدا جاروكوۆ كٶشەسٸ مەن ەل-فارابي داڭعىلىنىڭ قيىلىسىندا وننان استام اۆتوكٶلٸكتٸڭ قاتىسۋىمەن ٸرٸ جول اپاتى بولدى. وقيعانىڭ ۆيدەوسى ەلەۋمەتتٸك جەلٸدە تارادى, دەپ حابارلايدى قازاقپارات.
الماتى قالالىق پوليتسييا دەپارتامەنتٸ جول-كٶلٸك وقيعاسى بٷگٸن 08 ساعات 45 مينۋتتا الماتىنىڭ بوستاندىق اۋدانىندا بولعانىن حابارلادى.
«جول اپاتىنان 13 اۆتوموبيل زارداپ شەكتٸ. اتالعان كٶلٸكتەر جاروكوۆ كٶشەسٸنٸڭ بويىمەن سولتٷستٸك باعىتتا كەلە جاتىپ سوقتىعىسقان. جول-كٶلٸك وقيعاسى سالدارىنان ەكٸ ادام زارداپ شەكتٸ. ولار - «تويوتا پرادو» كٶلٸگٸن باسقارعان 51 جاستاعى ەيەل جەنە «لەكسۋس» ماركالى كٶلٸكتٸڭ جولاۋشىسى 12 جاسار بالا. زارداپ شەككەندەرگە مەديتسينالىق كٶمەك كٶرسەتٸلدٸ. بۇل دەرەك بويىنشا بوستاندىق اۋداندىق پوليتسييا باسقارماسى تەرگەۋ جٷرگٸزٸپ جاتىر. تيٸستٸ ساراپتامالار تاعايىندالدى», - دەدٸ الماتى قالالىق پد انىقتاۋ باسقارماسىنىڭ باستىعى, پوليتسييا پولكوۆنيگٸ ولجاس شەرٸپوۆ.
