الماتى قالاسى موبيلدٸلٸك باسقارماسى باسشىسىنىڭ ورىنباسارى ەرنۇر ەبجاھان ونلاين بريفينگ بارىسىندا قالاداعى جولداردىڭ ساپاسى جايلى ايتتى, دەپ حابارلايدى "ۇلت اقپارات".
8 سەۋٸردەگٸ جاعداي بويىنشا قالاداعى 287 كٶشەدە جٶندەۋدٸ قاجەت ەتەتٸن 1 844 ۋچاسكە انىقتالعان.
«12 سەۋٸر كٷنٸ قالا كٶشەلەرٸندەگٸ 205 شۇڭقىر جامالىپ, 15 قاقپاق تٷزەتٸلدٸ. سونىمەن قاتار, قالانىڭ كوممۋنالدىق جەنە ينجەنەرلٸك قىزمەتٸ قازعان 564 شۇڭقىر انىقتالدى. تاعى 30 شۇڭقىردى جەكەمەنشٸك ۇيىمدار قازعان. قازٸر قالا كٶشەلەرٸن جٶندەۋگە 36 بريگادا, 160 ارنايى تەحنيكا, 394 جۇمىسشى تارتىلدى. ياعني, قالاداعى 35 كٶشەدە جٶندەۋ جۇمىسى جٷرگٸزٸلٸپ جاتىر», - دەدٸ ول.
الماتىدا 3 096,8 شاقىرىم جول بار, سونىڭ 298,5 شاقىرىمىنا ەلٸ اسفالت تٶسەلمەگەن. 2025 جىلعا دەيٸن قالادا 350 شاقىرىم جاڭا جولدىڭ قۇرىلىسى جٷرگٸزٸلمەك.
«بيىل 200 كٶشەدە 196,5 شاقىرىم اۋماققا ورتاشا جٶندەۋ جٷرگٸزٸلەدٸ. ونىڭ ٸشٸندە 17 ماگيسترالدى كٶشە بار. اتاپ ايتقاندا ت.رىسقۇلوۆ, سٷيٸنباي, ق.سەتباەۆ, كٷدەرين, رايىمبەك, ب.مومىشۇلى, س.سەيفۋللين جەنە تاعى باسقالارى. سەۋٸر ايىندا مونتاج جۇمىستارىنا دايىندىق باستالادى. ال اسفال تٶسەۋ جۇمىسى مامىر ايىندا جٷرگٸزٸلەدٸ. ماگيسترالدى كٶشەلەردٸ جٶندەۋ جۇمىسىن شٸلدە ايىنىڭ سوڭىنا دەيٸن اياقتاۋدى جوسپارلاپ وتىرمىز. باسقا كٶشەلەردٸ جٶندەۋ جۇمىسى قازان ايىنا دەيٸن جالعاسادى», - دەدٸ ەرنۇر ەبجاھان.
سونىمەن قاتار, ول قالاداعى 10 ىقشاماۋداندا جولدار كٷردەلٸ جٶندەۋدەن ٶتەتٸنٸن تٸلگە تيەك ەتتٸ.
