الماتىداعى جەو-2 ستانساسى كٶمٸردەن گازعا تولىعىمەن 2025 جىلى كٶشەدٸ. كٶگٸلدٸر وتىنمەن جاناتىن بٸرٸنشٸ قازاندىقتار 2023 جىلى شىعا باستايدى, دەپ حابارلايدى قازاقپارات.
جوبا قۇنى شامامەن 98 ملرد تەڭگە بولماق. بٷگٸن ٶتكەن قوعامدىق تالقىلاۋ بارىسىندا وسى جايىندا ايتىلدى.
«الماتىدا ەكولوگييا مەسەلەسٸ ٶزەكتٸ. قالانىڭ ەكولوگيياسىنا ەسەر ەتەتٸن فاكتورلاردىڭ ەڭ باستىسى - وسى جەو-2 بٶلەتٸن قالدىقتار. بٸر جاعىنان بۇل - قالاداعى ەڭ ٷلكەن جىلۋ كٶزٸ, عيماراتتاردىڭ 50 پايىزدان استامىنا وسى ورتالىقتان جىلۋ بەرٸلەدٸ», - دەدٸ «الماتى ەلەكتروستانسالارى» اق باسقارما تٶراعاسىنىڭ ورىنباسارى جەنە باس ينجەنەرٸ عازيي يسمۇحامبەتوۆ.
ونىڭ ايتۋىنشا, ورتالىقتى مودەرنيزاتسييالاۋدىڭ 4 جولى بار.
ينستيتۋت ۇسىنعان ەسەپتەۋلەردٸڭ نەتيجەسٸندە بٸرٸنشٸ نۇقسا قابىلداندى. ياعني, كٶمٸرمەن جۇمىس ٸستەيتٸن قازاندىقتار گازعا اۋىستىرىلاتىن بولدى. كەلٸسٸم شارتقا سەيكەس جىل سوڭىنا دەيٸن ينستيتۋت تەحنيكالىق ەكونوميكالىق قۇجاتتاما ٶتكٸزەدٸ.
«بيىل بٸز مەملەكەتتٸك ساراپتاماعا تەحنيكالىق ەكونوميكالىق قۇجاتتاما ٶتكٸزٸپ جاتىرمىز. قۇرىلىس جۇمىستارى 2023 جىلى باستالادى. سول كەزدە بٸز قازاندىق اگرەگاتتارىن تۇرعىنداردى جىلۋدان اجىراتپاي-اق بٸرتٸندەپ كٶشٸرە الامىز. ەر قازاندىقتى كٶشٸرۋگە جارتى جىل ۋاقىت كەتەدٸ. تولىق جۇمىس 2025 جىلى اياقتالادى. جوبا قۇنى - 98 ملرد تەڭگە», - دەدٸ سپيكەر.
گازيي يسمۇحامبەتوۆ جەو-2 گازعا كٶشكەن جاعدايدا جىلۋ تاريفٸ كٶتەرٸلەتٸنٸن ايتتى.
«تاريف بويىنشا سامۇرىق قازىنا قورى مەن ٷكٸمەت, الماتى ەكٸمدٸگٸ قارجىلاندىرۋ مەسەلەسٸن شەشٸپ جاتىر. ەۋرازييالىق قايتا قۇرۋ بانكٸ, باسقا دا بانكتەرمەن كەلٸسسٶزدەر جٷرٸپ جاتىر. وسى تالقىلاۋلاردان سوڭ عانا ناقتى ساندى ايتا الامىز», - دەدٸ ول.
«كازنيپيەنەرگوپروم» اق باس ينجەنەرٸ ماكسيم ۆاسيلەۆتٸڭ ايتۋىنشا, 98 ملرد تەڭگە الدىن الا ەسەپتەۋ بويىنشا شىعارىلعان سوما. بۇل سوما جوبانى جٷزەگە اسىرۋ بارىسىندا ٶزگەرەتٸن بولادى.
ونىڭ ايتۋىنشا, رەكونستۋركتسييالىق جۇمىستاردان سوڭ اۋاعا شىعارىلاتىن زيياندى قوسپالار 5,5 ەسە كەميدٸ. ەسٸرەسە, كٶمٸردەن شىعاتىن كٷكٸرت ديوكسيدٸ ازايادى.
«قازٸر اۋا باسسەينٸنە شىعاتىن قوسپالار جىلىنا 38 مىڭ توننا بولسا, بٸزدٸڭ ەسەبٸمٸز بويىنشا 6 مىڭ تونناعا ازايادى», - دەدٸ ماكسيم ۆاسيلەۆ.
