بٷگٸن الماتىدا «جۇمىس ٸستەيتٸن جاستار ٷشٸن ساتىپ الۋ قۇقىعىنسىز جالعا بەرٸلەتٸن تۇرعىن ٷي» باعدارلاماسى بويىنشا قۇجاتتاردى قابىلداۋ باستالدى. بۇل تۋرالى بريفينگ بارىسىندا قالالىق تۇرعىن ٷي ساياساتى باسقارماسى باسشىسىنىڭ ورىنباسارى ەرمەك ەمٸروۆ مەلٸم ەتتٸ, دەپ حابارلايدى قازاقپارات.
سپيكەر باعدارلاماعا قاتىسۋ شارتتارى تۋرالى ايتتى.
«ەڭ الدىمەن, ٶتٸنٸش بەرۋشٸلەر ەتسق كٸلتٸن الۋى قاجەت, تيٸستٸ انىقتامالاردى ٶتٸنٸم بەرگەن سەتتە ۇسىنۋ كەرەك. قۇجاتتار تٸزٸمٸن مىنا سايتتان https://almaty-jastary.info/ تابۋعا بولادى. سول جەردە ٶتٸنٸمدەردٸ قابىلداۋ جٷزەگە اسىرىلادى. قۇجاتتاردى تاپسىرعاندار اراسىندا ٸرٸكتەۋ بالدىق جٷيە بويىنشا جٷرگٸزٸلەدٸ. قابىلداۋ بيىلعى 20 قاراشادا ساعات 23.59-دا اياقتالادى. بٷكٸل پروتسەسس اۆتوماتتاندىرىلعان جەنە تەك سايتتا جٷرەدٸ, سوندىقتان كٶمەك ۇسىناتىن بەيتانىس ادامدارعا سەنبەگەن جٶن»,- دەيدٸ ەرمەك ەمٸروۆ.
باعدارلاما اياسىندا تۇرعىن ٷي تەك 5 جىلعا بەرٸلەدٸ, ونى 29 جاسقا دەيٸنگٸ جۇمىس ٸستەيتٸن جاستار عانا الادى. وسى ۋاقىت ٸشٸندە جەكە تۇرعىن ٷي ساتىپ الۋعا نەمەسە باستاپقى جارناعا جيناقتاۋ ۇسىنىلادى. تۇرعىن ٷي ٷشٸن اي سايىنعى جالداۋ اقىسى 9-10 مىڭ تەڭگە.
«ٶتٸنٸمدٸ بالالارى بار وتباسىلار بەرە الادى. بۇل رەتتە كەمٸندە سوڭعى ەكٸ جىلدا الماتى قالاسىندا تۇراقتى تٸركەۋ تالاپ ەتٸلەدٸ. سونداي-اق, ٷمٸتكەرلەردە قر اۋماعىندا سوڭعى 2 جىلدا باسپاناسى بولماۋى تيٸس. ولاردىڭ اي سايىنعى جالاقىسى جۇمىستىڭ سوڭعى 6 ايىندا 40 اەك-تەن جوعارى بولۋى كەرەك – 116 680 تەڭگە», - دەيدٸ سپيكەر.
باعدارلاماعا قاتىساتىن ٷمٸتكەرلەرگە ماماندىقتار بويىنشا تالاپتار جوق, سونداي-اق بيۋدجەتتٸك جەنە مەملەكەتتٸك قىزمەتشٸلەردەن باسقالارى دا ٶتٸنٸم بەرە الادى.
«جۇمىس ٸستەيتٸن جاستار ٷشٸن ساتىپ الۋ قۇقىعىنسىز جالعا بەرٸلەتٸن تۇرعىن ٷي» باعدارلاماسى قر تۇڭعىش پرەزيدەنتٸنٸڭ باستاماسىمەن 2019 جىلى بەكٸتٸلٸپ, سول كەزدە 1050 جاس جالدامالى شارشى مەتردٸ الدى. 2020 جىلى تاعى 350 ادام قونىستاندى, جىل سوڭىنا دەيٸن ەكٸمدٸك ناۋرىزباي اۋدانىنىڭ «الما سيتي-5» جەنە الاتاۋ اۋدانىنىڭ «مەدەنيەت» جاڭا تۇرعىن ٷي كەشەندەرٸندە 1050 بٸر بٶلمەلٸ پەتەردٸ جالعا بەرەدٸ», - دەيدٸ ول.
