الماتىدا قالالىق تجد كەڭساي-1 مۇسىلمان زيراتى تۇسىندا قوقىس پوليگونى ٶرتەنۋٸنە بايلانىستى تۇرعىنداردىڭ شاعىمىنا جاۋاپ بەردٸ, دەپ حابارلايدى "ۇلت اقپارات".
ەلەۋمەتتٸك جەلٸدە قالا تۇرعىندارى 4 كٷن بويى ٶرتتٸڭ سٶندٸرٸلمەگەنٸن ايتىپ شاعىمدانعان بولاتىن.
«كەڭساي-1 زيراتىنىڭ ماڭىنداعى قوقىس ٷيٸندٸسٸ ٶرتەنٸپ جاتىر. بۇل قوقىستى زيرات جۇمىسشىلارى ٷيگەن. تٶرت كٷن بويى تٷتٸن شىعىپ جاتىر. سەرسەنباەۆ كٶشەسٸندە تۇراتىن تۇرعىندارعا تىنىس الۋ ٶتە قيىن. ٶرتتٸ سٶندٸرمەي-اق, قوقىستى شىعارماسا بولمايدى. قالاداعى ٶرتە قارسى قىزمەتكە حابارلاستىق. بٸراق, نەتيجە جوق», - دەدٸ تۇرعىندار.
ەلەۋمەتتٸك جەلٸدەگٸ ساۋالعا قالالىق تجد ٶكٸلدەرٸ جاۋاپ بەردٸ. ولار ٶرت باستالعان كٷننەن بەرگٸ جۇمىستاردى حرونولوگييالىق تەرتٸپپەن تٸزٸپ شىقتى.
«قر زاڭناماسىنا سەيكەس 101 جەلٸسٸنە تٷسكەن قوڭىراۋعا مٸندەتتٸ تٷردە جاۋاپ بەرٸلەدٸ. دەپارتامەنتكە كەلٸپ تٷسكەن بارلىق حابارلاما بويىنشا ەرەكەت ەتەدٸ. 8 مامىردا ساعات 22:30-دا 101 نٶمٸرٸنە حابارلاسقان تۇرعىندار «كەڭساي-1» مۇسىلمان زيراتىنىڭ قاسىندا ٶرت باستالعانىن ايتتى. وقيعا ورنىنا ٶرت سٶندٸرۋشٸلەر جەتۋٸ قيىن بولدى. ٶرت سٶندٸرۋشٸلەر كەلگەندە اۋدانى 50 شارشى مەتر اۋماق ٶرتەنٸپ جاتقان. ٶرتتٸ سٶندٸرۋگە 10 ادام, 2 اۆتوتسيستەرنا جۇمىلدىرىلدى. ٶرت تٷنگٸ ساعات 00:22 مينۋتتا سٶندٸرٸلدٸ», - دەدٸ تجد باسپاسٶز قىزمەتٸنەن.
دەپارتامەنت ٶكٸلدەرٸنٸڭ ايتۋىنشا, 9 مامىردا سول جەردە تٷتٸن شىقپاعان, سەبەبٸ جاۋىن جاۋعان بولاتىن.
«11 مامىردا 20:31 مينۋتتا سول اۋداننىڭ تۇرعىنى 101 ديسپەتچەرٸنە «كەڭساي-1» مۇسىلمان زيراتىندا ٶرت باستالعانىن حابارلادى. ٶرت سٶندٸرۋشٸلەر وقيعا ورنىنا جاياۋ جەتۋگە مەجبٷر بولدى. بەلگٸلٸ بولعانداي, ول جەردە دە قوقىس ٶرتەنگەن. اۋدانى 50 شارشى مەتر ٶرت تٷنگٸ ساعات 21:17-دە سٶندٸرٸلدٸ. بۇل ٶرتتٸ سٶندٸرۋگە 6 ادام مەن 1 كٶلٸك جۇمىلدىرىلدى. ال 12 مامىردا ساعات 11:53-تە تاعى مۇسىلمان زيراتىندا ٶرت شىققانى تۋرالى حابارلاما تٷسكەن. وقيعا ورنىنا بارعاندا ٶرت سٶندٸرۋشٸلەر ٶرتەنگەن جەر شوقتانىپ بىقسىپ جاتقانىن كٶرگەن. تٷتٸندەگەن 30 شارشى مەتر اۋماق ساعات 12:26-دا سٶندٸرٸلدٸ. تٶتەنشە جاعدايدان ەشكٸم جاپا شەككەن جوق», - دەدٸ تجد ٶكٸلدەرٸ.
