باس پروكۋراتۋرا قازاقستاندا ٶتكەن تەرتٸپسٸزدٸكتەر سالدارىنان قاماۋعا الىنعاندار سانىن ايتتى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا باس پروكۋراتۋرا "الماتى قاسٸرەتٸنٸڭ" جەنە باسقا ٶڭٸرلەردەگٸ تەرروريستٸك شابۋىلداردىڭ بارلىق سەبەبٸ مەن ەگجەي-تەگجەيٸن انىقتاۋ ٷشٸن جۇمىس ٸستەپ جاتقانى حابارلاندى.
ۆەدومستۆو مەلٸمەتٸنشە, قۇقىق تەرتٸبٸ ورگاندارى تەرروريستٸك شابۋىلدارعا قاتىسۋشىلاردى انىقتاۋ جەنە جازالاۋ, ەلدەگٸ قوعامدىق قاۋٸپسٸزدٸكتٸ تولىق قالپىنا كەلتٸرۋ بويىنشا بارلىق قاجەتتٸ شارانى قابىلداۋدا.
ادام شىعىنى بولعان وقيعالاردى تەرگەپ-تەكسەرۋلەرگە ەرەكشە نازار اۋدارىلعان. ەل بويىنشا جالپى سانى انىقتالىپ جاتىر. ەربٸر فاكت تيٸستٸ قۇقىقتىق باعا بەرۋمەن مۇقييات تەرگەپ-تەكسەرٸلەدٸ.
"تج رەجيمٸ كەزەڭٸندە جاسالعان قۇقىق بۇزۋشىلىقتار ٷشٸن 6966 ەكٸمشٸلٸك ٸس جٷرگٸزۋلەر قوزعاۋ تۋرالى حاتتامالار تولتىرىلدى, ەرتٷرلٸ ەكٸمشٸلٸك جاۋاپتىلىققا 4918 ادام تارتىلدى, ونىڭ ٸشٸندە 1978 ادام قاماققا الىندى. 791 ادامعا ايىپپۇل سالىندى جەنە 2149-ى ەسكەرتٸلدٸ. سوتتاردىڭ قاراۋىندا 2048 ماتەريال بار.
بٷگٸندە جەدەل-تەرگەۋ توپتارى 494 قىلمىستىق ٸستٸ, ونىڭ ٸشٸندە 44 – تەرروريزم اكتٸلەرٸ بويىنشا, 34 – جاپپاي تەرتٸپسٸزدٸكتەر بويىنشا, 15 ادام ٶلتٸرۋ جەنە باسقالارى بويىنشا تەرگەپ-تەكسەرۋدە.
قىلمىس جاسادى دەگەن كٷدٸكپەن 524 ادام ۋاقىتشا ۇستاۋ يزولياتورلارىنا قامالدى. سوتتىڭ سانكتسيياسىمەن 412 ادام قاماۋعا الىندى.
قازٸرگٸ ۋاقىتتا قاجەتتٸ تەرگەۋ ەرەكەتتەرٸ جٷرگٸزٸلۋدە" - دەلٸنگەن حابارلامادا.
سونداي-اق باس پروكۋراتۋرانىڭ مەلٸمدەۋٸنشە, ازامات قىلمىس جاسادى دەگەن كٷدٸكپەن سوتتىڭ سانكتسيياسىنسىز 48 ساعاتتان اسپايتىن مەرزٸمگە ۇستاپ الىنۋى مٷمكٸن (قپك-نٸڭ 14-بابىنىڭ 2-بٶلٸگٸ).
بٸراق اسا اۋىر, تەرروريستٸك نەمەسە ەكسترەميستٸك قىلمىس, جاپپاي تەرتٸپسٸزدٸك بارىسىندا, سونداي-اق تٶتەنشە جاعداي كەزٸندە قىلمىس جاسادى دەگەن كٷدٸككە ٸلٸنگەن كەزدە 72 ساعاتتان اسپايتىن مەرزٸمگە ۇستاپ الۋعا جول بەرٸلەدٸ (قپك-نٸڭ 131-بابىنىڭ 4-بٶلٸگٸ).
ەكٸمشٸلٸك قۇقىق بۇزۋشىلىقتىڭ جولىن كەسۋ, ونى جاساعان كٷدٸكتٸنٸڭ جەكە باسىن انىقتاۋ, حاتتاما جاساۋ جەنە ت.ب. ماقساتتاردا 3 ساعاتقا دەيٸنگٸ مەرزٸمگە ۇستاپ الىنۋى مٷمكٸن.
ەگەر ەكٸمشٸلٸك ٸس قوزعالعان باپتىڭ سانكتسيياسى جازالاۋ شارالارىنىڭ بٸرٸ رەتٸندە قاماققا الۋدى كٶزدەيتٸن بولسا, وندا 24 ساعاتقا دەيٸن ۇستاپ الىنۋى مٷمكٸن (ەقبتك-نٸڭ 789-بابىنىڭ 3-بٶلٸگٸ).
كومەندانتتىق ساعاتتىڭ ەنگٸزٸلۋٸنە بايلانىستى بەلگٸلەنگەن تەرتٸپتٸ بۇزۋعا جول بەرگەن ادامدار كومەندانتتىق ساعات اياقتالعانعا دەيٸن, ال ٶزٸمەن بٸرگە قۇجاتتارى جوق ادامدار – ولاردىڭ جەكە باسىن انىقتاعانعا دەيٸن, 48 ساعاتتان اسپايتىن ۋاقىتقا ۇستالۋى مٷمكٸن (ەقبتك-نٸڭ 789-بابىنىڭ 2-بٶلٸگٸ).
"بۇل رەتتە, جەكە باسى انىقتالماي ۇستاپ الىنعاندار سوتتىڭ سانكتسيياسىمەن قابىلداۋ-تاراتۋ ورىندارىنا ورنالاستىرىلادى. جەكە باسىن انىقتاعاننان كەيٸن, ەگەر ولاردىڭ ٸس-ەرەكەتتەرٸندە قىلمىستىق نەمەسە ەكٸمشٸلٸك قۇقىق بۇزۋشىلىق بەلگٸلەرٸ بايقالماسا, ولارعا قانداي دا بٸر شارالار قولدانىلماي, دەرەۋ بوساتىلادى.
بارلىق جەتكٸزٸلگەن جەنە ۇستالعان ادامداردىڭ قورعالۋعا جەنە بٸلٸكتٸ زاڭ كٶمەگٸن الۋعا كونستيتۋتسييالىق قۇقىعى قامتاماسىز ەتٸلٸپ وتىرعانىن اتاپ ٶتكەن جٶن.
ازاماتتار مەن ولاردىڭ ٶكٸلدەرٸ اۋماقتىق پوليتسييا جەنە پروكۋراتۋرا ورگاندارىنا سەيكەس ارىزدارمەن جٷگٸنۋگە قۇقىلى. ەربٸر ٶتٸنٸش بويىنشا تەكسەرۋ جٷرگٸزٸلەتٸن بولادى.
قازاقستان رەسپۋبليكاسىنىڭ باس پروكۋراتۋراسى ازاماتتاردى زاڭدىلىقتى ساقتاۋعا, جالعان اقپاراتقا بوي الدىرماۋعا جەنە رەسمي اقپارات كٶزدەرٸنە عانا سەنۋگە شاقىرادى" - دەلٸنگەن حابارلامادا.
