قاڭتار وقيعاسىنان كەيٸن باق پەن ەلەۋمەتتٸك جەلٸلەردە الماتىداعى لا-155/18 مەكەمەسٸنٸڭ تەرگەۋ يزولياتورىندا قامالعانداردى ازاپتاۋعا ارنالعان جەرتٶلە جاساقتالعانى تۋرالى اقپارات جارييالانا باستادى. وسىعان وراي, الماتى قالاسى جەنە الماتى وبلىسى بويىنشا قوعامدىق باقىلاۋ كوميسسيياسى مەن الماتى قالاسى پروكۋراتۋراسىنىڭ ٶكٸلدەرٸ اتالعان مەكەمەنٸڭ تەرگەۋ يزولياتورىنا كەلٸپ, تەكسەرٸس جٷرگٸزدٸ.

الماتى قالاسى بويىنشا قىلمىستىق اتقارۋ جٷيەسٸ (قاج) دەپارتامەنتٸنەن حابارلاعانداي, الماتى قالاسىنداعى تەرگەۋ يزولياتورى 1360 ادامعا ارنالعان. الايدا, قاڭتار ايىندا تەرگەۋ بارىسىنا قامالعانداردىڭ سانى 1400-دەن اسىپ كەتتٸ. قاڭتاردا قالىپتاسقان ەرەكشە جاعدايلارعا بايلانىستى 200 ورىندىق ۋاقىتشا وقشاۋلاۋ بلوگى اشىلدى.

«تەرگەۋ يزولياتورىنىڭ, رەجيمدٸك كورپۋستاردىڭ جەنە جەرتٶلە ٷي-جايلارىنىڭ اۋماعىن ارالاۋ جٷزەگە اسىرىلدى. قاج مەكەمەسٸنٸڭ اۋماعىندا ەكٸ قاباتتى ەكٸمشٸلٸك عيمارات جەنە 4-5 قاباتتى 6 رەجيمدٸك كورپۋس ورنالاسقان. اتالعان رەجيمدٸك كورپۋستاردا كوممۋنيكاتسييالىق جٷيەلەر مەن جىلىتۋ توراپتارىنا ارنالعان جارتىلاي جەرتٶلە ٷي-جايلارى بار. بۇل ٷي-جايلارعا كٸرۋ كورپۋستاردىڭ سىرتقى جاعىنان جٷزەگە اسىرىلادى. مەكەمەگە تٷسۋشٸلەردٸ قابىلداۋ رەجيمدٸك كورپۋستىڭ بٸرٸنشٸ قاباتىندا جٷرگٸزٸلەدٸ», - دەدٸ قاج دەپارتامەنتٸنەن.

كورپۋستاردى ارالاۋ قورىتىندىسى بويىنشا ارنايى جابدىقتالعان كامەرالار مەن ٷي-جايلار انىقتالعان جوق.

«ايتا كەتەيٸك, كٶرٸنەۋ جالعان اقپارات تاراتقانى ٷشٸن قر قىلمىستىق كودەكسٸنٸڭ 274-بابى بويىنشا قىلمىستىق جاۋاپكەرشٸلٸك كٶزدەلگەن», - دەپ ەسكەرتۋ جاسادى الماتى قالاسى بويىنشا قىلمىستىق اتقارۋ جٷيەسٸ (قاج) دەپارتامەنتٸندە.

ەسكە سالايىق, الماتىداعى لا-155/18 مەكەمەسٸنٸڭ تەرگەۋ يزولياتورىندا ازاپتاۋعا ارنالعان جەرتٶلە جوقتىعىن قر ٸشكٸ ٸستەر مينيسترلٸگٸ دە مەلٸم ەتكەن ەدٸ.