الماتىدا مەنشٷك مەمەتوۆا شىڭىنا شىقپاق بولعان الپينيستەردٸڭ بٸرٸ كٶز جانارىنان ايىرىلدى, دەپ حابارلايدى "ۇلت اقپارات".
قالالىق قۇتقارۋ قىزمەتٸنەن مەلٸم ەتكەندەي, وقيعا 3 قاڭتاردا بولعان.
كٸشٸ الماتى شاتقالىنداعى مەنشٷك مەمەتوۆا شىڭىن باعىندىرۋ بويىنشا وقۋ-جاتتىعۋ كەزٸندە (كٷردەلٸلٸك ساناتى 3ب) الپينيستەردٸڭ بٸرٸندە كٶزٸنٸڭ نۇرلى قابىعى ايازدان ٷسٸپ قالعان. سالدارىنان سپورتشى كٶرۋ مٷمكٸندٸگٸنەن ايىرىلعان.
سپورتشىلار توبىن باقىلاۋ راديوبايلانىس ارقىلى جٷرگٸزٸلگەن. سوندىقتان «109» قۇتقارۋ قىزمەتٸنٸڭ اپاتتىق-قۇتقارۋ جاساعى باسشىسىنىڭ ورىنباسارى دامير مولگاچەۆ كوماندانى تٷگەلدەي شىڭنان جەدەل تٷسٸرۋ شەشٸمٸن قابىلداعان.
مەديتسينا ماماندارىنا جەتكەنشە تۇيىقسۋ الپينيستٸك لاگەرٸنٸڭ ينستۋركتورلارى, قۇتقارۋ قىزمەتٸنٸڭ ماماندارى, الماتى الپينيزم سپورتى فەدەراتسيياسىنىڭ مٷشەلەرٸ وعان العاشقى كٶمەك كٶرسەتتٸ.
«سپورتشىنىڭ كٶرۋ قابٸلەتٸ ٸشٸنارا قالپىنا كەلدٸ. بۇدان ەرٸ ونىڭ دەنساۋلىعىن جەرگٸلٸكتٸ دەرٸگەرلەر باقىلايتىن بولادى», - دەلٸنگەن اقپاراتتا.
