الماتى تاۋلارىندا سەرۋەندەپ جٷرگەن تۋريستەر كٷتپەگەن جەردەن قار بارىسىن كٶرٸپ قالدى. جابايى اڭ ولارعا بٸرنەشە مەتر قاشىقتىقتا جاقىنداعان, دەپ حابارلايدى ult.kz.
وقيعا تۋرالى Instagram قولدانۋشىسى جازدى. ونىڭ ايتۋىنشا, ول ۆيكتورييا ەسٸمدٸ سەرٸگٸمەن بٸرگە تاۋداعى سوقپاقپەن كەلە جاتقاندا, ولارعا جەرگٸلٸكتٸ يت ەرٸپ جٷرگەن.
يت كەيدە العا جٷگٸرٸپ كەتٸپ, كەيٸن تۋريستەردٸ كٷتٸپ, قايتا قوسىلىپ وتىرعان. الايدا ايالدامالاردىڭ بٸرٸندە ول العا قاراي كەتٸپ, مازاسىزدانىپ ٷرە باستاعان.
«جاقىنداساق, جٷنٸ تٸكٸرەيٸپ, بٸر نٷكتەگە قاراپ تۇر ەكەن. ال الدا ەشتەڭە كٶرٸنبەيدٸ: كٷن كٶز قارىقتىرادى, بۇتالار مەن شىرشالار بار. كەنەت يت ورنىنان اتىپ تۇردى. بٸرنەشە سەكۋندتان كەيٸن ول بٸزگە قاراي قايتا جٷگٸردٸ, ال ونىڭ ارتىنان قار بارىسى كەلە جاتتى», – دەپ جازدى تۋريست.
ونىڭ سٶزٸنشە, قار بارىسى تۋريستەردٸ كٶرگەن كەزدە توقتاپ, بٸرنەشە سەكۋند بويى ولارعا قىزىعۋشىلىقپەن قاراپ تۇرعان. كەيٸن شىرشانىڭ ارتىنا كٸرٸپ, كٶزدەن عايىپ بولعان.
تۋريستەر كەيٸن قار بارىسىن سوقپاقتىڭ جوعارى جاعىنان تاعى بٸر رەت كٶرگەن. ولاردىڭ بولجامىنشا, جابايى اڭنىڭ ماڭايىندا ٶزٸ اۋلاعان ولجاسى بولعان جەنە ونى قورعاپ جٷرگەن بولۋى مٷمكٸن.
وقيعا كەزٸندە تۋريستەرگە تاۋدا كەزدەسكەن باسقا ادامدار دا كٶمەكتەسكەن. ولار ەرٸپ جٷرگەن يتتٸ ٶزدەرٸمەن بٸرگە الىپ, ەلدٸ مەكەنگە تٷسٸرٸپ جٸبەرگەن. ال تۋريستەر ساپارىن جالعاستىرعان.
