كەشە «قازسەلدەنقورعاۋ» مم ماماندارى الماتى قالاسى ەكٸمدٸگٸنٸڭ, الماتى قالاسى جەنە الماتى وبلىسى تجد ٶكٸلدەرٸمەن بٸرلەسٸپ, قر تجم «قازاۆياقۇتقارۋ» اق-نىڭ مي-8 امت تٸكۇشاعىمەن تاۋلى اۋماققا اەروۆيزۋالدى تەكسەرۋ جٷرگٸزدٸ, دەپ حابارلايدى ult.kz تجم باسپاسٶز قىزمەتٸنە سٸلتەمە جاساپ.
تەكسەرۋ ٸلە الاتاۋى جوتاسىنىڭ سولتٷستٸك بٶلٸگٸن - قاسكەلەڭ ٶزەنٸ الابىنان باستاپ تٷرگەن ٶزەنٸ الابىنا دەيٸنگٸ اۋماقتى قامتىدى. مونيتورينگتٸڭ نەگٸزگٸ ماقساتى - مۇزداق كٶلدەر مەن مۇزدىق كەشەندەردٸڭ, سەل ارنالارىنىڭ جاي-كٷيٸن جەنە ٶڭٸردەگٸ جالپى سەل جاعدايىن باعالاۋ بولدى.
تەكسەرۋ نەتيجەلەرٸ بويىنشا مۇزداق كٶلدەردٸڭ باسىم بٶلٸگٸ ماۋسىمدىق تولۋ كەزەڭٸندە ەكەنٸ انىقتالدى. سونىمەن قاتار, بيٸك تاۋلى ايماقتاعى كٶلدەر قىسقى رەجيمنەن ەلٸ تولىق شىقپاعان. كەيبٸر كٶلدەر ورنالاسۋ بيٸكتٸگٸ مەن بەتكەي ەكسپوزيتسيياسىنا بايلانىستى ەلٸ دە تولىقتاي مۇز بەن قار جامىلعىسىنىڭ استىندا جاتىر. بەتكٸ اعىندار جەكەلەگەن ۋچاسكەلەردە عانا بايقالادى. ٶزەندەردە سۋ لايلىلىعىنىڭ ارتۋ بەلگٸلەرٸ تٸركەلگەن جوق. تاۋلى ايماقتارداعى قار جامىلعىسىنىڭ قالىڭدىعى 20-دان 50 سانتيمەترگە دەيٸن جەتەدٸ. قار سىزىعى تەڭٸز دەڭگەيٸنەن 3300-3500 مەتر بيٸكتٸكتە ورنالاسقان.
تەكسەرۋ قورىتىندىسى بويىنشا الماتى قالاسى مەن الماتى وبلىسى ٶزەندەرٸ الاپتارىنداعى سەل جاعدايى تۇراقتى دەپ باعالانادى.
