الماتى قالالىق پوليتسييا دەپارتامەنتٸ تانىمال كەسٸپكەردٸڭ ارىزى بويىنشا عابيدوللا ەبدٸراحىموۆقا قاتىستى قىلمىستىق ٸس قوزعالعانىن راستادى, دەپ حابارلايدى Sputnik قازاقستان.
Kozachkov offside Telegram-ارناسى شىمكەنت قالاسىنىڭ ەكس-ەكٸمٸ عابيدوللا ەبدٸراحىموۆقا قاتىستى قىلمىس ٸس قوزعالعانىن جازدى.
جۋرناليستٸڭ سٶزٸنە قاراعاندا, جاقىندا باس پروكۋراتۋرا رەيدەرلٸك ەرەكەت بويىنشا ٸس قوزعالماعانىن مەلٸمدەگەن. وسىلايشا, بۇعان دەيٸنگٸ اقپاراتتى جوققا شىعارعان. ەبدٸراحىموۆتىڭ ٷستٸنەن رەيدەرلٸك ەمەس, الاياقتىق بويىنشا قىلمىستىق ٸس قوزعالعان.
"سونىمەن, 19 مامىردا ٸشكٸ ٸستەر ورگاندارىنا تانىمال كەسٸپكەر سايدوللا قوجاباەۆ ارىزداندى. ول Forbes جۋرنالىنىڭ باعالاۋى بويىنشا تابىستى 50 بيزنەسمەننٸڭ تٸزٸمٸندە 49-شٸ ورىندا تۇر. ول ٶز ارىزىندا بەس ادامنىڭ, سونىڭ ٸشٸندە ەبدٸراحىموۆ پەن مەسٸموۆتىڭ ٸرٸ كٶلەمدە اقشا العانىن جازدى. 2-3 ميلليون دوللار دەيدٸ. نەگٸزٸ ون ميلليون سۇراعان", - دەپ جازدى كوزاچكوۆ.
الماتى قالالىق پوليتسييا دەپارتامەنتٸ قوجاباەۆتىڭ ارىزى بويىنشا قىلمىستىق ٸس قوزعالعانىن راستادى. قازٸرگٸ كەزدە قىلمىستىق كودەكستٸڭ 190-بابى, 4-بٶلٸگٸ (الاياقتىق, اسا ٸرٸ مٶلشەردە) اياسىندا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
ايتا كەتەرٸ, بۇل قىلمىس ٷشٸن بەس جىلدان ون جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان. وعان قوسا, مٷلكٸ تەركٸلەنەدٸ, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرۋى مٷمكٸن.
عابيدوللا ەبدٸراحىموۆ 2008-2015 جىلدارى پرەمەر-مينيستر كەڭسەسٸ, پرەزيدەنت ەكٸمشٸلٸگٸنٸڭ قۇرىلىمدارىندا جۇمىس ٸستەدٸ, بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى بولدى. شىمكەنت قالاسىن ەكٸ رەت باسقاردى.
2021 جىلدىڭ قاڭتارىندا مەدەنيەت جەنە سپورت ۆيتسە-مينيسترٸ قىزمەتٸنە تاعايىندالدى. بٸراق توعىز ايدان كەيٸن "باسقا جۇمىسقا اۋىسۋىنا بايلانىستى" بوساتىلدى.
