الماتىدا «راحات پالاس» قوناق ٷيٸنٸڭ قاسىندا اتىس بولىپ, 4 كٷدٸكتٸ ۇستالدى. بۇل تۋرالى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك ايتتى, دەپ حابارلايدى قازاقپارات.
«اتىس 7 ناۋرىزدا بوستاندىق اۋدانىندا سەتپاەۆ بايزاقوۆ كٶشەسٸ قيىلىسىنداعى قوناق ٷيلەردٸڭ ماڭىندا بولعان. بۇل دەرەككە بايلانىستى 4 كٷدٸكتٸ ۇستالدى. ولار ۋاقىتشا وقشاۋلاۋ ورنىنا قامالدى. تەرگەۋ امالدارى جالعاسىپ جاتىر», - دەدٸ سالتانات ەزٸربەك.
ونىڭ ايتۋىنشا, وقيعادان ەشكٸم زارداپ شەكپەگەن.
ايتا كەتۋ كەرەك, ۆيدەو ينستاگرامداعى پابليكتەردٸڭ بٸرٸندە جارييالاندى. بەينەكادردە بٸرنەشە ەر ادام Gelandewagen كٶلٸگٸنٸڭ قاسىندا توپتاسىپ تۇرعان. بٸر مەزەتتە بٸر ەر ادام ولارعا قاراتا وق اتا باستايدى.
