الماتى وبلىسىندا 90 جاسىندا قاراۋسىز قالعان ۇستازىن قولىن الىپ, قامقورلىق كٶرسەتٸپ وتىرعان وتباسى ەلدٸ سٷيسٸنتتٸ.
تۋعان قىزىنان جىلۋ كٶرمەگەن ەجەنٸڭ تاعدىرىنا بەي-جاي قاراي الماعان شەكٸرتٸ وعان ەرەكشە ٸلتيپات كٶرسەتٸپ, ٶز ٷيٸندە باعىپ وتىر, دەپ جازادى "ۆرەميا" گازەتٸنە سٸلتەمە جاساعان KAZ.NUR.KZ.
الماتى وبلىسى پانفيلوۆ اۋدانى حورگوس اۋىلىنىڭ تۇرعىنى تەلمان ۋسمانوۆ ٶزٸنٸڭ العاشقى ۇستازى, بٷگٸندە 90 جاسقا كەلگەن زويا ستەپانوۆنا سەردوبينتسەۆانى قولىنا الىپ, قامقورلىق تانىتىپ وتىر. جولداسى قايتىس بولىپ, قىزى قالاعا كەتكەن ەجەي وسى جاسقا كەلگەندە جالعىز قالعان.
ۇستازىنىڭ ٷيٸندە قاراۋسىز جاتقانىن كٶرٸپ قالعان تەلمان ونىڭ جاعدايىنا كٶز جۇما قاراي الماعاندىعىن ايتادى. ايتۋىنشا, ول اۋىلدى كٶركەيتۋ ٷشٸن زور ٷلەس قوسقان اۋىل اقساقالىنىڭ ادام تٶزگٸسٸز جاعدايدا جالعىز ٶزٸ ٶمٸر سٷرۋٸنە جول بەرە الماعان.
"بٸر دە بٸر مەرەيتوي, بٸر دە بٸر جيىن ول كٸسٸنٸڭ قاتىسۋىنسىز ٶتپەيتٸن. ول اۋىلداعى مەدەني ٸس-شارالاردى ۇيىمداستىرۋشىسى ەدٸ. جازدا فۋتبول جەنە ۆولەيبول ماتچتارىن ۇيىمداستىراتىن. قىستا شاڭعى جارىستارىن قولعا الاتىن. جاس تا, كەرٸ دە ونى قاتتى سىيلايتىن", - دەيدٸ قايىرىمدى جٸگٸت اعاسى.
"2018 جىلدىڭ 15 قاراشاسى ەدٸ. سول كٷن ەلٸ كٶز الدىمدا. زويا ستەپانوۆنانىڭ ٷيٸنٸڭ جانىنا ٶتٸپ بارا جاتىرمىن. ٷي ماڭى مٷلگٸگەن تىنىشتىق. ٷيگە كٸرسەم, تاستاي سۋىق. پەش جاعىلماعان, جاتىن بٶلمەدە بٸرنەشە كٶرپەگەن ورانعان كٷيٸندە ۇستازىم جاتىر. مەنٸ كٶرٸپ, جىلاپ جٸبەردٸ. بۇل كٶرٸنٸستٸ كٶرٸپ, جٷرەگٸم اۋىرىپ كەتتٸ. قاتتى اياپ كەتتٸم", - دەپ ەسٸنە الادى ول.
وسىلايشا, ول اۋىل بولىپ ەجەيگە كٶمەك بەرۋدە قولعا العان. قارت كٸسٸنٸڭ ٷيٸنە كەزەكشٸلٸك ورناتىپ, كٶمەك بەرە باستاعان. ال ۇستاز بولسا, شەكٸرتتەرٸنٸڭ بالالارىنا ەرتەگٸ ايتىپ, تەربيە بەرەتٸن.
بٸراق, بىلتىر شٸلدە ايىندا ۋسمانوۆتار ەۋلەتٸ زويا ستەپانوۆنانى قولىنا الامىز دەپ شەشكەنٸن ايتادى.
"ەيەلٸم الماتىعا, مەن جۇمىستارمەن جاركەنتكە كەتكەم. ەكٸ كٷن اۋىلدا بولمادىق. سول كەزدە ول كٸسٸ بٸز ونى تاستاپ كەتتٸ ەكەن دەپ ويلاپتى. قاتتى ۋايىمنان اياعى جٷرمەي قالىپتى", - دەيدٸ ول.
مٸنە, سول ۋاقىتتان بەرٸ ۇستاز شەكٸرتٸنٸڭ ٷيٸندە تۇرىپ جاتىر.
"تەلمان كٶتەرٸپ الىپ, ٷيگە ەكەلدٸ. مونشا جاعىپ, جۋىندىردىق. سودان بەرٸ بٸرگە تۇرىپ جاتىرمىز", - دەيدٸ تەلماننىڭ جارى رايحان.
ماقالا اۆتورى بٷگٸندە قارت ەجەيدٸ رايحان ايىنا ەكٸ رەت تىرناق شەبەرٸنە اپارىپ, مانيكيۋر جاساتاتىنىن جازادى. سونىمەن بٸرگە, ونىڭ شاشىن جٶندەپ, شاشتاراز شاقىرتادى ەكەن.
"115 مىڭ تەڭگە كٶلەمٸندە زەينەتاقى الامىن. جانازاما دەپ جيناعان ەدٸم. بٸراق, ەندٸ مەنٸ جەرلەيتٸن ادامدار بار. سوندىقتان قولىمداعىنىڭ بەرٸن رايحانعا بەرەمٸن. ول ماعان دەرٸ-دەرمەك, دەرۋمەندەر, جەمٸس-جيدەك الىپ بەرەدٸ. ايىنا ەكٸ رەت تىرناق جاساتامىن. شاشتاراز شاقىرامىز", - دەيدٸ ەجەيدٸڭ ٶزٸ.
ال ٶزٸنٸڭ تۋعان قىزى سۆەتلانا تۋرالى ەجەي تٸس جارعىسى كەلمەيدٸ. ۋسمانوۆتار وتباسى ەجەيدٸ اپتاسىنا ەكٸ رەت سۆياتو-كازان شٸركەۋٸنە اپارىپ تۇراتىنىن ايتادى. ەجەيدٸڭ ايتۋىنشا, وندا ول جاراتقاننان ٶزٸنە وسىنشاما جاقسىلىق جاساعان جانداردىڭ اماندىعىن تٸلەيدٸ.
ايتا كەتەرلٸك تاعى بٸر جايت, ۋسمانوۆتار وتباسى بۇعان دەيٸن تاعى ەكٸ ەجەيگە قامقورلىق تانىتقان. ولاردىڭ بٸرٸ - ماحينۋردىڭ بالالارى تٸپتەن ٶتە تانىمال كٸسٸلەر ەكەن. الايدا تۋعان انالارىنان باس تارتقان بالالارى رايحان مەن تەلمانعا ايىنا 80 مىڭ تەڭگە اقشا اۋدارىپ تۇرعان ەكەن.
بالالارىنىڭ قىلىعىنا كٷيٸنگەن ەجەي ٶلەر الدىندا: "مەنٸ تەلمان جەرلەسٸن", - دەگەن امانات ايتىپ كەتكەن كٶرٸنەدٸ.
