الماتى وبلىسىنىڭ ەكٸمٸ اماندىق باتالوۆ ٶز ورىنباسارى باعدات مانزوروۆ ٸسٸنە پٸكٸر بٸلدٸردٸ, دەپ حابارلايدى "ۇلت اقپارات".
«وقيعا بولعاندا ول (باعدات مانزوروۆ – رەد.) ماعان كەلٸپ, الماتىداعى بۇرىنعى جۇمىسى بويىنشا ەكەنٸن تٷسٸندٸردٸ. جاعدايىن ايتىپ, تٶلەمسٸز ەڭبەك دەمالىسىن سۇرادى. مەن جٸبەردٸم. نە بولىپ, نە قويعانىن تەرگەۋ ورگاندارى انىقتاي جاتار. بٸراق مەن ونى جەكە ادام رەتٸندە باياعىدان بٸلەمٸن. ول كٶكسۋ اۋدانىنىڭ ەكٸمٸ بولىپ جۇمىس ٸستەدٸ. كەيٸن ماعان كەلدٸ. ەكٸ اي عانا جۇمىس ٸستەدٸ. بۇل ارالىقتا وعان بٸرنەشە تاپسىرما بەردٸم. بارلىعىن ورىندادى. مەن وعان «ارىز جاز, جۇمىستان شىق نەمەسە مەسەلەڭدٸ تەز ارادا شەش» دەپ ايتا المايمىن عوي. ادامي تۇرعىدا قاراۋ كەرەك. كەز كەلگەن ادام مۇنداي جاعدايعا تاپ بولۋى مٷمكٸن», - دەپ جاۋاپ بەردٸ ا. باتالوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا جۋرناليستەر سۇراعىنا.
ونىڭ ايتۋىنشا, ەكٸم ورىنباسارىنىڭ ٸسٸمەن تەرگەۋ ورگاندارى اينالىسادى.
«ەگەر كٸنەلٸ بولسا, جاۋاپ بەرەدٸ, كٸنەسٸ بولماسا – جۇمىسىن ەرٸ قاراي جالعاستىرادى», - دەدٸ اماندىق باتالوۆ.
ەسكە سالساق, الماتى وبلىسى ەكٸمٸنٸڭ ورىنباسارى باعدات مانزوروۆ ۇستالعانى تۋرالى بۇعان دەيٸن حابارلاعان بولاتىنبىز. قر سىبايلاس جەمقورلىققا قارسى ٸس-قيمىل اگەنتتٸگٸ وعان قر قىلمىستىق كودەكسٸنٸڭ 190-بابى, 2-بٶلٸگٸ, 2-تارماعى («لاۋازىمىن پايدالانۋ ارقىلى اسا ٸرٸ كٶلەمدەگٸ الاياقتىق») بويىنشا ايىپ تاقتى.
كەيٸن باس پروكۋراتۋرا باعدات مانزوروۆقا قاتىستى قىلمىستىق ٸس توقتاتىلعانىن رەسمي تٷردە مەلٸمدەدٸ. كٶپ ۇزاماي شەنەۋنٸك ٶز قىزمەتٸنە قايتا كٸرٸستٸ.
ٶز كەزەگٸندە اگەنتتٸك باس پروكۋراتۋرانىڭ بۇل شەشٸمٸنە نارازىلىق تانىتتى.
