الماتى وبلىسىندا بۇقارالىق اقپارات قۇرالدارى قىزمەتكەرلەرٸ كٷنٸنە وراي ٶڭٸر جۋرناليستەرٸنە پەتەر كٸلتٸ تابىستالىپ, اقپارات سالاسىنىڭ ٷزدٸكتەرٸ مەملەكەتتٸك ناگرادالارمەن ماراپاتتالدى. سالتاناتتى رەسٸمدە ماراپاتتاردى وبلىس ەكٸمٸ مارات سۇلتانعازيەۆ تابىستاپ, باق ٶكٸلدەرٸن كەسٸبي مەرەكەمەن قۇتتىقتادى, دەپ حابارلايدى ult.kz.
مەملەكەت باسشىسىنىڭ اتىنان «الاتاۋ ارايى» گازەتٸنٸڭ باس رەداكتورى قۋانىش تۇڭعاتار مەن «ٶلكە تىنىسى» جشس-نىڭ باسپا قىزمەتٸندەگٸ ٷيلەستٸرۋشٸسٸ جانات توقانوۆاعا جاڭا پەتەردٸڭ كٸلتٸ بەرٸلدٸ.
سونداي-اق ارداگەر جۋرناليست, «ٶلكە تىنىسى» جشس باسشىسىنىڭ كەڭەسشٸسٸ كەدٸربەك قۇنىپيياۇلى «پاراسات» وردەنٸمەن, «ەڭبەكشٸقازاق» گازەتٸنٸڭ تٸلشٸسٸ يگور تۋرانين «ەرەن ەڭبەگٸ ٷشٸن» مەدالٸمەن, ال «الاتاۋ ارايى» گازەتٸنٸڭ جاۋاپتى حاتشىسى شولپان نۇرجاۋوۆا «شاپاعات» مەدالٸمەن ماراپاتتالدى. بۇدان بٶلەك, بٸرقاتار مەديا مامان «ەڭبەك ارداگەرٸ», «اقپارات سالاسىنىڭ ٷزدٸگٸ» تٶسبەلگٸلەرٸنە, قۇرمەت گراموتالارى مەن العىس حاتتارعا يە بولدى.
وبلىس ەكٸمٸ جۋرناليستەردٸڭ قوعامداعى رٶلٸنە توقتالىپ, ولاردىڭ ەل مەن حالىق اراسىنداعى بايلانىستى نىعايتۋداعى ەڭبەگٸن جوعارى باعالادى.
سونىمەن قاتار مارات سۇلتانعازيەۆ جۋرناليستەر ٷشٸن تاعى بٸر جاعىمدى جاڭالىقتى جارييالادى. ونىڭ ايتۋىنشا, بيىلدان باستاپ «الاتاۋ» ٶڭٸرلٸك يپوتەكالىق باعدارلاماسىنا «بۇقارالىق اقپارات قۇرالدارى» ساناتى ەنگٸزٸلدٸ. ەندٸ الماتى وبلىسىندا ەڭبەك ەتەتٸن جۋرناليستەر اتالعان باعدارلاما ارقىلى باسپانا الۋعا مٷمكٸندٸك الادى.
سونداي-اق ٶڭٸردە جىل سايىن ۇيىمداستىرىلاتىن «سامعاۋ» مەديا سىيلىعى بيىل دا جالعاسادى. بايقاۋدا «تازا قازاقستان» جەنە «زاڭ مەن تەرتٸپ» تاقىرىپتارىنداعى ٷزدٸك ماتەريالدارمەن قاتار, وبلىستىڭ ەلەۋمەتتٸك-ەكونوميكالىق دامۋىن جان-جاقتى ناسيحاتتاعان جۋرناليستەر دە ماراپاتتالادى.
جاڭا باسپاناعا يە بولعان قۋانىش تۇڭعاتار بۇل قولداۋدى جۋرناليستەر ەڭبەگٸنە كٶرسەتٸلگەن ٷلكەن قۇرمەت دەپ باعالاپ, مەملەكەت باسشىسى مەن وبلىس ەكٸمدٸگٸنە العىسىن بٸلدٸردٸ.
