الماتى وبلىسىنىڭ ۇيعىر اۋدانىندا شاتىرى وپىرىلىپ ورتاسىنا تٷسكەن سپورت كەشەنٸنٸڭ قۇرىلىسى ەلٸ توقتاپ تۇر, دەپ حابارلايدى "ۇلت اقپارات".
ال قۇجات بويىنشا بۇل نىسان 2021 جىلدىڭ بٸرٸنشٸ قاڭتارىندا تاپسىرىلۋى تيٸس بولعان. قازٸر قۇرىلىسىنا 1 ملرد تەڭگەدەن اسا قاراجات بٶلٸنگەن دەنە شىنىقتىرۋ-ساۋىقتىرۋ كەشەنٸندە تىم-تىرىس. كٷزەتشٸدەن باسقا ەشكٸم جوق.
«قازٸرگٸ تاڭدا تەحنيكالىق نەگٸزدەمەسٸن كٷتٸپ وتىرمىز. قۇلاعان ٷشٸنشٸ بلوك قايتادان تۇرعىزىلادى. مۇنان بٶلەك بٸرٸنشٸ جەنە ەكٸنشٸ بلوكتاردىڭ ٸرگەسٸن كٷشەيتۋ جۇمىستارى جٷرگٸزٸلەدٸ. كەلتٸرٸلگەن شىعىنداردى مەردٸگەر كەسٸپورىن ٶزٸ ٶتەيدٸ»,- دەدٸ الماتى وبلىستىق قۇرىلىس باسقارماسىنىڭ بٶلٸم باسشىسى ايات سەبيتوۆ.
ەستەرٸڭٸزگە سالا كەتەيٸك, وسىدان بەس اي بۇرىن ۇيعىر اۋدانىندا سالىنىپ جاتقان سپورت كەشەنٸ وپىرىلىپ قۇلادى. ابىروي بولعاندا ەشكٸم زارداپ شەككەن جوق. تەكسەرۋ بارىسىندا قاتەلٸكتٸ جوبالاۋشىلار دا, قۇرىلىسشىلار دا جٸبەرگەنٸ انىقتالدى. ماماندار شاتىردىڭ قۇلاۋىنان 55 ملن تەڭگە كٶلەمٸندە شىعىن كەلگەنٸن ايتادى.
