الماتى وبلىسىندا كوروناۆيرۋس جۇقتىرۋشى 11 اداممەن قارىم-قاتىناستا بولعان. قازٸر بارلىق ادامدار وقشاۋلانىپ, اۋرۋحاناعا كاراتينگە جاتقىزىلدى, دەپ حابارلايدى قازاقپارات.
«الماتى وبلىسىندا كوروناۆيرۋس جاعدايى 20 ناۋرىز كٷنٸ تٸركەلدٸ. ناۋقاس ساعات 10:45 مينۋت كەتكەندە قاراساي اۋداندىق اۋرۋحاناسىنا تەلەفون سوعىپ, دەنە قىزۋىنىڭ كٶتەرٸلگەنٸ جايلى حابارلاعان. سونىڭ ارقاسىندا ساعات 11:30 مينۋتتا دەرٸگەرلەر ينفەكتسييالىق اۋرۋحاناعا وقشاۋلادى. بٸردەن ەم باستالدى. بٷگٸنگٸ كٷندە ونىڭ دەنساۋلىعى ورتاشا. قۇرعاق جٶتەلٸ, كٸشكەنە دەنە قىزۋى ەلٸ دە ساقتالادى. ونىڭ جٷرگەن جولىن تەكسەرگەندە, 17 ناۋرىز كٷنٸ ساۋد-ارابيياسىنان ىستامبۇل ارقىلى بٸشكەككە ۇشىپ كەلگەندٸگٸ انىقتالدى. بٸشكەك كەدەنٸنەن جاياۋ ٶتٸپ, تاكسيمەن الماتىعا كەلگەن. تاكسيدە ٶزٸمەن بٸرگە تاعى 3 ازامات بولعان. الماتىدا ونى دوستارى كٷتٸپ الادى. ول جەردە بٸر كٷن بولىپ, سودان كەيٸن جامبىل وبلىسىنا شۋ قالاسىنا ٶزٸنٸڭ وتباسىنا بارعان. ول جاقتا بٸر كٷن بولىپ, الماتى وبلىسىنا قاراساي اۋدانىنا كەلگەن. قاراساي اۋدانىندا ٶزٸ جالعىز تۇرادى. تەكسەرە كەلە بۇل ادامنىڭ 11 اداممەن قارىم-قاتىناستا بولعانى انىقتالدى. ولاردىڭ بارلىعى وقشاۋلانىپ, اۋرۋحانالارعا جاتقىزىلدى», - دەدٸ تالدىقورعاندا ٶتكەن بريفننگ بارىسىندا الماتى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.
ايتا كەتەيٸك, بۇعان دەيٸن قر دەنساۋلىق ساقتاۋ مينيسترلٸگٸ الماتى وبلىسىندا كوروناۆيرۋس جۇقتىرۋدىڭ 1 وقيعاسى تٸركەلگەنٸن حابارلاعان بولاتىن. وسى ۋاقىتتا ٸندەتكە شالدىققاندار سانى ەل بويىنشا 53 ادامعا جەتتٸ.
