الماتى وبلىسى پانفيلوۆ اۋدانىندا دالا ٶرتٸن سٶندٸرۋ كەزٸندە 3 ادام قازا تاپتى, 7 ادامدى تٷرلٸ دەرەجەدە كٷيٸك شالدى. بۇل تۋرالى قازاقستان رەسپۋبليكاسى ٸشكٸ ٸستەر مينيسترلٸگٸنٸڭ باسپاسٶز قىزمەتٸنەن حابارلادى.
«الماتى وبلىسى پانفيلوۆ اۋدانى تالدى اۋىلدىق وكرۋگٸنٸڭ اۋماعىنداعى تاۋلى جەرلەردە دالا ٶرتٸن سٶندٸرۋ كەزٸندە 3 ادام قازا تاپتى. ونىڭ بٸرەۋٸ - جاركەنت ورمان شارۋاشىلىعى مەكەمەسٸنٸڭ قىزمەتكەرٸ, قالعان ەكەۋٸ ٶرتتٸ ٶز كٷشتەرٸمەن سٶندٸرۋگە تىرىسقان جەرگٸلٸكتٸ تۇرعىندار. سونىمەن قاتار 7 ادام تٷرلٸ دەرەجەدەگٸ كٷيٸك الدى, ونىڭ ٸشٸندە 1 ادام اياعىن سىندىردى. زارداپ شەككەندەر لەسنوۆكا اۋىلىنا تٸكۇشاقپەن جەتكٸزٸلدٸ, ولار ودان ەرٸ جاركەنت قالاسىنىڭ ورتالىق اۋداندىق اۋرۋحاناسىنا جاتقىزىلادى», دەلٸنگەن حابارلامادا.
وقيعا ورنىندا الماتى وبلىسىنىڭ تجد مەن پوليتسييا دەپارتامەنتٸنٸڭ جەكە قۇرامىنان 59 ادام, 13-تەن استام ارنايى تەحنيكا, سونداي-اق جاركەنت مەملەكەتتٸك ورمان مەكەمەسٸنٸڭ قىزمەتكەرلەرٸ جۇمىس ٸستەۋدە. ٶرت وشاعىن سٶندٸرۋگە ٶرت سٶندٸرۋشٸلەر جەنە پوليتسييا قىزمەتكەرلەرٸمەن بٸرگە جەرگٸلٸكتٸ تۇرعىندار, سونداي-اق ورمان شارۋاشىلىعى قىزمەتكەرلەرٸنەن قۇرىلعان ەرٸكتٸ ٶرتكە قارسى قۇرىلىمدار جۇمىلدىرىلدى.
«تاۋلى جەردەگٸ ٶرتتٸ سٶندٸرۋ قيىندىق تۋعىزۋىنا بايلانىستى سۋاعار قۇرىلعىسى بار مي-8 تٸكۇشاعى تارتىلدى. جاقىن ماڭدا سۋ الاتىن ايدىن-كٶل بولماعاندىقتان, ەۋە كەمەسٸ ادامداردى تاسىمالداپ, قورجىندى بٷرٸككٸشتەردٸ سۋمەن قامتاماسىز ەتۋ ٷشٸن جۇمىس ٸستەدٸ. تابيعي اپاتپەن كٷرەس اسا قيىن جاعدايدا ٶتتٸ. كٷردەلٸ مەتەوجاعدايدا اينالانىڭ كٶرٸنۋٸ ناشار بولدى, ٶرت سٶندٸرۋشٸلەرگە بٸرنەشە ەسە دەنە كٷشٸن جۇمساۋعا تۋرا كەلدٸ», - دەپ اتاپ ٶتٸلگەن قازاقستان رەسپۋبليكاسى ٸٸم باسپاسٶز قىزمەتٸنٸڭ حابارلاماسىندا.
قازٸرگٸ ۋاقىتتا ٶرتتٸ سٶندٸرۋ بويىنشا جۇمىستار جالعاسۋدا. ٶرت وشاقتارىن وقشاۋلاۋ ٷشٸن قوسىمشا كٷشتەر مەن قۇرالدار تارتىلدى. وقيعا ورنىنا تاعى بٸر «قازاۆياقۇتقارۋ» تٸكۇشاعى جٸبەرٸلدٸ.
«جاعداي قاتاڭ باقىلاۋدا. ٸشكٸ ٸستەر مينيسترلٸگٸ تٶتەنشە جاعدايلاردى جويۋ كەزٸندە قازا تاپقان جەنە زارداپ شەككەندەردٸڭ وتباستارىنا كٶڭٸل ايتادى», دەلٸنگەن ٸٸم حابارلاماسىندا.
