جاركەنت تٷبٸندەگٸ دالا ٶرتٸن سٶندٸرۋ كەزٸندە قازا تاپقان ٷش ادام مەملەكەتتٸك ناگراداعا ۇسىنىلادى. سونىمەن قاتار ولاردىڭ بٸرەۋٸنە مەملەكەتتٸك قوردان تۇرعىن ٷي بەرٸلەدٸ, دەپ حابارلادى الماتى وبلىسى ەكٸمٸنٸڭ باسپاسٶز قىزمەتٸ.
ەستەرٸڭٸزگە سالا كەتەيٸك, پانفيلوۆ اۋدانىندا بولعان دالا ٶرتٸ كەزٸندە 7 ادام زارداپ شەگٸپ, 3 ادام كٶز جۇمعان بولعان ەدٸ. بٷگٸن الماتى وبلىسىنىڭ ەكٸمدٸگٸ زارداپ شەككەندەردٸڭ دەنساۋلىق جاعدايى جايلى ايتتى.
"كەشە پانفيلوۆ اۋداندىق ورتالىق اۋرۋحاناسىنا 7 ادام جەتكٸزٸلگەن. ونىڭ 5-ەۋٸ امبۋلاتورييالىق ەم الۋ ٷشٸن ٷيٸنە قايتارىلدى, ەكەۋٸ اۋرۋحانادا. بٸرەۋٸ – جانساقتاۋ بٶلٸمٸندە, ەكٸنشٸسٸ – حيرۋرگييالىق بٶلٸمدە. ولاردىڭ جاعدايى بٸرقالىپتى", - دەلٸنگەن باسپاسٶز قىزمەتٸنٸڭ حابارلاماسىندا.
سونىمەن قاتار قازا بولعان ٷش ازاماتتى جەرلەۋگە كٶمەك كٶرسەتٸلەتٸنٸ ايتىلدى.
"قازا بولعانداردىڭ ەكەۋٸ بٷگٸن, ٷشٸنشٸسٸ ەرتەڭ جەرلەنەدٸ. الماتى وبلىسى ەكٸمٸنٸڭ تاپسىرماسى بويىنشا ولاردىڭ وتباسىلارىنا بارلىق قاجەتتٸ كٶمەك كٶرسەتٸلەدٸ. مارقۇمدار مەملەكەتتٸك ناگراداعا ۇسىنىلادى. سونداي-اق قازا بولعانداردىڭ بٸرٸ 1984 جىلى تۋعان ازاماتتىڭ وتباسىنا مەملەكەتتٸك قوردان تۇرعىن ٷي بەرٸلەدٸ", - دەدٸ باسپاسٶز قىزمەتٸ.
مارقۇمداردىڭ بٸرٸ – جاركەنت ورمان شارۋاشىلىعى مەكەمەسٸنٸڭ قىزمەتكەرٸ, ەكەۋٸ – ٶرت سٶندٸرۋگە كٶمەكتەسكەن جەرگٸلٸكتٸ تۇرعىن.
ٶرتتٸ سٶندٸرۋ ٷشٸن سۋاعار قۇرىلعىسى بار مي-8 تٸكۇشاعى جۇمىلدىرىلعان.
"اپات كەزٸندە اۋا رايى قولايسىز بولدى. سالدارىنان اينالانى كٶرۋ قيىندادى, ٶتە كٶپ كٷش جۇمسالدى", - دەپ حابارلادى ٸٸم.
