ٷلكەن الماتى كانالىنا جەتٸ جەنە ون جاستاعى ەكٸ اعايىندى بالالار سۋعا باتىپ كەتتٸ, قايعىلى وقيعا 27 تامىزدا بولدى, - دەپ حابارلايدى Tengrinews.kz اگەنتتٸگٸ.
ساعات 13:29-دا ەسٸك قالاسىنداعى ٶرت سٶندٸرۋ بەكەتٸنٸڭ پۋلتٸنە اششىبۇلاق اۋىلىنىڭ تۇرعىنىنان حابار تٷسكەن. ول قۇتقارۋشىلارعا ەكٸ بالانىڭ كانالعا قۇلاپ, ولاردى سۋدىڭ جىلدام اعىسى الىپ كەتكەنٸن ايتقان.
ەسٸك پەن شەلەك اۋىلىنىڭ قۇتقارۋشىلارى وقيعا ورنىنان بارىپ, تٶرت شاقىرىم جەردەن بالالاردىڭ دەنەسٸن شىعاردى. ولار ەكٸ اعايىندى - 2012 جىلى تۋعان سىرىم ا. جەنە 2015 جىلى تۋعان اقجول ا.
قۇتقارۋشىلاردىڭ ايتۋىنشا, بالالاردىڭ كيٸم كيگەنٸ قايعىلى وقيعاعا سەبەپ بولۋى مٷمكٸن. اعايىندىلاردىڭ كٸشٸسٸ سٷرٸنٸپ, سۋعا قۇلاپ كەتكەن بولسا كەرەك. اعاسى كٶمەكتەسۋگە تىرىسىپ, بٸراق ارتى قايعىلى جاعداي بولعان.
"شومىلۋعا ارنالماعان جەرلەردەگٸ سۋداعى قاۋٸپتٸ ەسكەرتتٸك. بىلتىر 15 جاستاعى جاسٶسپٸرٸم دە باتىپ كەتكەن. بۇل سۋعا شومىلىپ, وينايتىن ورىن ەمەس. مۇنىڭ اعىسى قاتتى جەنە ٶتە سۋىق سۋ", - دەدٸ تج قىزمەتكەرلەرٸ.
