الماتى وبلىسىندا بٸلٸم سالاسىنا 80 مىڭ كومپيۋتەر ساتىپ الۋ ٷشٸن 12 ملرد 300 ميلليون قارجى بٶلٸنگەن. ونىڭ 8,3 ملرد تەڭگەسٸ – رەسپۋبليكالىق, 4 ملرد تەڭگەسٸ – جەرگٸلٸكتٸ بيۋدجەت قاراجاتى. بۇل جٶنٸندە الماتى وبلىسىنىڭ ەكٸمٸ اماندىق باتالوۆ قوعامدىق كەڭەس ٶكٸلدەرٸ الدىنداعى ەسەبٸندە ايتتى, دەپ حابارلايدى "ۇلت اقپارات".
2020 جىلعى ەلەۋمەتتٸك-ەكونوميكالىق دامۋ قورىتىندىلارى تۋرالى جيىن ونلاين فورماتتا ٶتتٸ. شاراعا 100 دەن اسا ادام ياعني, كەڭەس مٷشەلەرٸ مەن دەپۋتاتتار, اۋدان ەكٸمدەرٸ قاتىستى.
«وقۋشىلار مەن كوللەدج ستۋدەنتتەرٸنٸڭ قاشىقتان بٸلٸم الۋىنا بارلىق جاعداي جاسالدى. 80 مىڭ كومپيۋتەر ساتىپ الۋ ٷشٸن 12,3 ملرد تەڭگە قارجى بٶلٸندٸ. 23 مىڭ 700 وقۋشىعا كومپيۋتەر ۋاقىتشا قولدانۋعا تاراتىلدى. ال دەمەۋشٸلەر كٶمەگٸمەن 2110 تەحنيكا بەرٸلدٸ», - دەدٸ اماندىق باتالوۆ.
سونداي-اق ٶڭٸر باسشىسى شالعايدا تۇراتىن وقۋشىلاردى مەكتەپكە جەتكٸزۋ ٷشٸن 1 ملرد تەڭگە سوماسىنا 70 جاڭا اۆتوبۋس ساتىپ الىنعانىن ايتتى.
ايتا كەتەيٸك, جالپى الماتى وبلىسى بويىنشا وقۋشىلاردىڭ سانى 426 مىڭنان اسادى.
