© Sputnik / بولات شايحينوۆ /
الماتى وبلىسىندا 2-سىنىپ وقۋشىسىن زورلاۋ دەرەگٸ تەكسەرٸلٸپ جاتىر, - دەپ حابارلايدى Tengrinews.kz سايتى.
وقيعا تۋرالى 29 ناۋرىزدا نەمولچي.kz قورى جارييالادى. قورعا الماتى وبلىسى جامبىل اۋدانى قاسىمبەك اۋىلىنىڭ جۇرتشىلىعى جٷگٸنگەن. اۋىل تۇرعىندارىنىڭ ايتۋىنشا, جانتٷرشٸگەرلٸك وقيعا بيىل 23 ناۋرىزىندا جەرگٸلٸكتٸ مەكتەپتە بولعان.
"بٸر اپتا بۇرىن مەكتەپتە جانتٷرشٸگەرلٸك وقيعا بولدى: بەسٸنشٸ سىنىپتىڭ ەكٸ وقۋشىسى باستاۋىش مەكتەپتٸڭ ەكٸنشٸ سىنىبىندا وقيتىن بالانى زورلاعان. ونىڭ ٷستٸنە كەمەلەتكە تولماعانداردىڭ بٸرٸ 8-سىنىپ وقۋشىسى ٶزٸنە سولاي ٸستەگەنٸن العا تارتادى. مەكتەپتە ويعا كەلمەيتٸن وقيعالار بولىپ جاتىر, ول وبلىستىق بٸلٸم باسقارماسىنا بٸرنەشە رەت جازىلعان. بٸراق بۇل جاعداي مٷلدە شەكتەن شىقتى. بۇل جولى دا بەرٸن ەشتەڭە بولماعانداي جابا سالادى دەپ قورقامىز", - دەيدٸ اۋىل تۇرعىندارى.
بەلسەندٸلەر قۇزىرلى ورگانداردان مەن-جايدى انىقتاپ, زورلىق-زومبىلىق دەرەگٸ راستالسا, كەمەلەتكە تولماعان قۇقىق بۇزۋشىلاردى ارنايى مەكتەپ-ينتەرناتقا جٸبەرۋدٸ, ال ولاردىڭ اتا-انالارىن قىلمىستىق كودەكستٸڭ 140-بابى "كەمەلەتكە تولماعان بالانى تەربيەلەۋ جٶنٸندەگٸ مٸندەتتەردٸ ورىنداماۋ" بويىنشا جاۋاپقا تارتۋدى سۇرادى.
"23 ناۋرىزدا 2, 5 جەنە 8-سىنىپ وقۋشىلارى اراسىنداعى وقيعا دەرەگٸ بويىنشا بٸر مەزگٸلدە اكت زالىندا وقۋشىلاردىڭ اتا-انالارىمەن (20-30 ادام) جينالىس ٶتتٸ. پروكۋراتۋرا, ەكٸمدٸك جەنە پوليتسييا ٶكٸلدەرٸ اتالعان مەسەلە بويىنشا اتقارىلىپ جاتقان شارالار تۋرالى تٷسٸندٸرمە بەردٸ.
سونداي-اق, جەبٸرلەنۋشٸنٸڭ اناسىمەن بٶلەك ەڭگٸمە جٷرگٸزٸلدٸ. اۋدان پروكۋراتۋراسى پروكۋرورلىق قاداعالاۋ اكتٸسٸن, ياعني بٸلٸم بٶلٸمٸنە تانىستىرۋدى ەنگٸزدٸ", - دەدٸ وبلىستىق پروكۋراتۋرانىڭ باسپاسٶز قىزمەتٸ.
ٶز كەزەگٸندە وبلىستىق بٸلٸم باسقارماسى قازٸرگٸ ۋاقىتتا سوت-مەديتسينالىق ساراپتاما جٷرگٸزٸلٸپ جاتقانىن مەلٸمدەدٸ.
"وقۋشىلار جەنە اتا-انالارمەن ەڭگٸمە بولدى. وقيعا ورنىندا مينيسترلٸك, وبلىستىق بٸلٸم باسقارماسى ٶكٸلدەرٸ مەن پسيحولوگتاردان قۇرالعان توپ جۇمىس ٸستەپ جاتىر. بۇل دەرەك ەاك-كە تٸركەلدٸ. وقيعانىڭ مەن-جايى انىقتالىپ جاتىر", - دەدٸ ۆەدومستۆو ٶكٸلدەرٸ.
