الماتى وبلىسىندا 17 جاستاعى 11-سىنىپ وقۋشىسى ياسمينا ٸزٸمجاننىڭ قازاسىنا قاتىستى جاڭا مەلٸمەتتەر ايتىلدى, دەپ حابارلايدى ult.kz.
مارقۇمنىڭ تۋىستارىنىڭ سٶزٸنشە, ياسمينا بۇعان دەيٸن 19 جاستاعى جٸگٸتپەن قارىم-قاتىناستا بولعان. وسىدان كەيٸن مەكتەپ مۇعالٸمٸ تاراپىنان قىزعا قىسىم جاسالعان. وتباسى بۇل جاعدايدىڭ وقۋشىنىڭ ٶلٸمٸنە قاتىسى بار-جوعىن تەكسەرۋدٸ سۇراپ وتىر.
جاقىندارىنىڭ ايتۋىنشا, مۇعالٸم قىزدىڭ اتا-اناسىن مەكتەپكە شاقىرتاتىنىن, ەلەۋمەتتٸك جەلٸدەگٸ جارييالانىمدارى ٷشٸن سوتقا جٷگٸنۋٸ مٷمكٸن ەكەنٸن ەسكەرتكەن. سونىمەن قاتار ياسمينا جٸگٸتپەن قارىم-قاتىناسىن توقتاتاتىنى تۋرالى جازباشا قولحات بەرۋگە مەجبٷر بولعان.
قىز قايتىس بولعاننان كەيٸن «اناشىم, ەكەشٸم, مەن سەندەردٸ جاقسى كٶرەمٸن. مەنٸڭ باسقا امالىم بولمادى» دەگەن قىسقا جازبا قالعان.
تۋىستارىنىڭ ايتۋىنشا, قايعىلى وقيعاعا تٶرت ايعا جۋىق ۋاقىت ٶتسە دە, تەرگەۋ نەتيجەسٸ ولاردى قاناعاتتاندىرماي وتىر. سونداي-اق قىسىم كٶرسەتتٸ دەپ وتىرعان مۇعالٸمنٸڭ ەلٸ دە مەكتەپتە جۇمىس ٸستەپ, ساباق بەرٸپ جٷرگەنٸنە الاڭداۋلى.
مارقۇمنىڭ جاقىندارى ٸستٸڭ بارلىق مەن-جايى تولىق انىقتالىپ, كٸنەلٸلەر جاۋاپقا تارتىلۋىن تالاپ ەتۋدە.
