Almaty oblysynda 17 jastaǵy 11-synyp oqýshysy Iasmina Izimjannyń qazasyna qatysty jańa málimetter aityldy, dep habarlaidy ult.kz.
Marqumnyń týystarynyń sózinshe, Iasmina buǵan deiin 19 jastaǵy jigitpen qarym-qatynasta bolǵan. Osydan keiin mektep muǵalimi tarapynan qyzǵa qysym jasalǵan. Otbasy bul jaǵdaidyń oqýshynyń ólimine qatysy bar-joǵyn tekserýdi surap otyr.
Jaqyndarynyń aitýynsha, muǵalim qyzdyń ata-anasyn mektepke shaqyrtatynyn, áleýmettik jelidegi jariialanymdary úshin sotqa júginýi múmkin ekenin eskertken. Sonymen qatar Iasmina jigitpen qarym-qatynasyn toqtatatyny týraly jazbasha qolhat berýge májbúr bolǵan.
Qyz qaitys bolǵannan keiin «Anashym, ákeshim, men senderdi jaqsy kóremin. Meniń basqa amalym bolmady» degen qysqa jazba qalǵan.
Týystarynyń aitýynsha, qaiǵyly oqiǵaǵa tórt aiǵa jýyq ýaqyt ótse de, tergeý nátijesi olardy qanaǵattandyrmai otyr. Sondai-aq qysym kórsetti dep otyrǵan muǵalimniń áli de mektepte jumys istep, sabaq berip júrgenine alańdaýly.
Marqumnyń jaqyndary istiń barlyq mán-jaiy tolyq anyqtalyp, kináliler jaýapqa tartylýyn talap etýde.
