الماتى وبلىسى بورالداي كەنتٸندە كەمەلەتكە تولماعان قىزدى ۇرىپ-سوقانداردىڭ بٸرٸ ۇستالدى, - دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
13 مامىردا الماتى وبلىسى بورالداي كەنتٸندەگٸ ايالدامادا ەكٸ ەيەل 16 جاستاعى قىزدى ۇرىپ-سوققان. جاسٶسپٸرٸم العان جاراقاتتارىنا بايلانىستى الماتىداعى بالالار اۋرۋحاناسىنا جەتكٸزٸلدٸ.
قىلمىستى اشۋ ٷشٸن جەدەل-تەرگەۋ توبى قۇرىلعان. پوليتسەيلەر كٷدٸكتٸلەردٸ الماتىدان بورالداي اۋىلىنا جەتكٸزگەن تاكسي جٷرگٸزۋشٸسٸن تاۋىپ, 25 پەن 40 جاس ارالىعىنداعى ەيەلدەردٸ ۇقساس بەلگٸلەرٸ بويىنشا تەكسەرٸپ شىققان.
"19 مامىردا الماتىدا ٶتكٸزٸلگەن جەدەل-ٸزدەستٸرۋ شارالارى نەتيجەسٸندە پوليتسييا قىزمەتكەرلەرٸ 27 جاستاعى جەرگٸلٸكتٸ تۇرعىندى ۇستادى. ول دەلەلدەر ۇسىنىلعاننان كەيٸن ٶز كٸنەسٸن مويىندادى. وقۋشىنى ۇرعان ەكٸنشٸ كٷدٸكتٸ ەيەل ادامنىڭ دا كٸم ەكەنٸ انىقتالدى. ول - 30 جاستاعى ەڭبەكشٸقازاق اۋدانىنىڭ بەيتەرەك اۋىلىنىڭ تۇرعىنى. بٸراق ەلٸ قولعا تٷسپەدٸ. ونى ۇستاۋ بويىنشا شارالار قابىلدانىپ جاتىر", - دەدٸ دەپارتامەنت ٶكٸلدەرٸ.
بۇعان دەيٸن الماتى وبلىسىندا ايالدامادا 16 جاستاعى قىزدى ەكٸ ەيەل ۇرىپ-سوققانى حابارلانعان بولاتىن. جاسٶسپٸرٸم الماتى بالالار اۋرۋحاناسىنا جەتكٸزٸلگەن. ەلەۋمەتتٸك جەلٸلەردە زارداپ شەككەن جاسٶسپٸرٸمنٸڭ سۋرەتٸ تارادى. جازبا سيپاتتاماسىندا وقيعانىڭ بورالداي كەنتٸندەگٸ "ساحارنىي" ايالداماسىندا بولعانى ايتىلعان.
كەيٸن 16 جاستاعى كاميلانىڭ اناسى ەلەۋمەتتٸك جەلٸلەردە ٷندەۋ جاسادى. ول ەيەلدەردٸ تانيتىندار بولسا حابار بەرۋدٸ سۇراعان ەدٸ.
