الماتى وبلىسىندا كەسٸپكەرلەردٸڭ قۇقىقتارىن بۇزعانى ٷشٸن 15 لاۋازىمدى تۇلعا تەرتٸپتٸك جاۋاپكەرشٸلٸككە تارتىلدى, - دەپ حابارلايدى قازاقپارات. بۇل تۋرالى وبلىستىق كەسٸپكەرلەر پالاتاسى ديرەكتورىنىڭ قۇقىقتىق مەسەلەلەر جٶنٸندەگٸ ورىنباسارى — كەسٸپكەرلەردٸڭ قۇقىقتارىن قورعاۋ جٶنٸندەگٸ موبيلدٸ توپتىڭ مٷشەسٸ قانات قابديەۆ مەلٸمدەدٸ.
ونىڭ ايتۋىنشا, جىل باسىنان بەرٸ قۇرامىندا «اتامەكەن» مەن پروكۋراتۋرا ورگاندارىنىڭ ٶكٸلدەرٸ بار بيزنەستٸڭ قۇقىقتارىن قورعاۋ جٶنٸندەگٸ موبيلدٸ توپقا كەسٸپ يەلەرٸنەن 65 ٶتٸنٸش كەلٸپ تٷسكەن. اتالمىش فاكتٸلەر بويىنشا زاڭدىلىقتى بۇزۋشىلىقتى جويۋ تۋرالى 26 ۇسىنىس, التى نارازىلىق ەنگٸزٸلدٸ, سونداي-اق جەدەل-ٸزدەستٸرۋ ٸس-شارالارىنىڭ جٷيەسٸ ٸسكە اسىرىلدى.
قانات قابديەۆ 4 قىركٷيەكتەن باستاپ «پروكۋراتۋرا تۋرالى» زاڭعا تٷزەتۋلەر كٷشٸنە ەنگەنٸن ەسكە سالدى. جاڭا ٶزگەرٸستەرگە سەيكەس پروكۋرورلارعا كەسٸپكەرلەردٸڭ مەملەكەتتٸك ورگاندار تاراپىنان ارالاسۋ فاكتٸلەرٸ بويىنشا ٶتٸنٸشتەرٸن قاراۋ قۇزىرەتٸ بەرٸلدٸ. ال بۇرىن مۇنداي ٶتٸنٸشتەر ۋەكٸلەتتٸ ورگاندارعا جٸبەرٸلەتٸن. ەندٸ پروكۋرورلار بيزنەس سۋبەكتٸلەرٸنٸڭ شاعىمدارىنا جەدەل ەرەكەت ەتٸپ, ولار بويىنشا تەكسەرۋلەر جٷرگٸزە الادى, قاجەتتٸ اقپاراتتى ٶزدەرٸ بەلگٸلەگەن مەرزٸمدە سۇراتا الادى جەنە تٷسٸنٸكتەمە الۋ ٷشٸن ادامداردى شاقىرا الادى. بۇدان باسقا, پروكۋرورلار شوتتاردى نەگٸزسٸز تىيىم سالۋ, مٷلٸكتٸ پايدالانۋعا تىيىم سالۋ, قىزمەتٸن توقتاتا تۇرۋ, جۇمىستاعى ۋاقىتشا جەنە ٶزگە دە شەكتەۋلەر سيياقتى زاڭسىز سالىنعان شەكتەۋ جەنە تىيىم سالۋ سيپاتىنداعى شارالاردىڭ كٷشٸن دەرەۋ جويا الادى.
مۇنداي فاكتٸلەر انىقتالعان كەزدە پروكۋرور ولاردىڭ كٷشٸن جويۋ تۋرالى قاۋلى شىعارادى, ول ورىنداۋ ٷشٸن مٸندەتتٸ بولادى. قاۋلىنى ورىنداماعانى ٷشٸن بٸر مەزگٸلدە ەكٸمشٸلٸك جاۋاپتىلىق ەنگٸزٸلەدٸ (ەقبتك – نٸڭ 664-1-بابى-30 اەك-كە دەيٸن ايىپپۇل سالۋعا ەكەپ سوعادى).
«الماتى وبلىسىنىڭ كەسٸپكەرلەر پالاتاسى مەن پروكۋراتۋراسىنىڭ بٸرلەسكەن جۇمىسى بارىسىندا 10 زاڭسىز اكتٸنٸڭ كٷشٸ جويىلدى, 155 زاڭسىز تەكسەرۋ جەنە باقىلاۋدىڭ ٶزگە دە نىساندارى انىقتالدى, سونداي-اق 24 زاڭسىز تەكسەرۋ جويىلدى. كەسٸپكەرلەردٸڭ قۇقىقتارىن بۇزۋ فاكتٸلەرٸ بويىنشا 15 لاۋازىمدى تۇلعا تەرتٸپتٸك جاۋاپكەرشٸلٸككە تارتىلدى, 20 بيزنەس سۋبەكتٸسٸن ەكٸمشٸلٸك جاۋاپكەرشٸلٸككە زاڭسىز تارتۋعا جول بەرٸلمەدٸ جەنە جالپى سوسماسى 125 000 تەڭگە بولاتىن 125 ەكٸمشٸلٸك قاۋلى جويىلدى. جالپى, ٶڭٸردٸڭ 8 مىڭنان استام كەسٸپكەرلٸك سۋبەكتٸلەرٸنٸڭ قۇقىقتارى قورعالدى», - دەپ اتاپ ٶتتٸ «اتامەكەن» ٶكپ ديرەكتورىنىڭ ورىنباسارى قانات قابديەۆ.
وبلىس پروكۋراتۋراسى جٷرگٸزگەن جەدەل ٸس-شارالار نەتيجەسٸندە تەكسەرۋ كوميسسيياسىنىڭ قىزمەتكەرلەرٸ 90 كەسٸپكەردەن 17 ملن تەڭگە كٶلەمٸندە پارا العان كەزٸندە ۇستالدى. سوت ٷكٸمٸمەن لاۋازىمدى تۇلعالار كٸنەلٸ دەپ تانىلدى. سونداي-اق, 717 جەكەمەنشٸك بالاباقشانىڭ جان باسىنا شاققانداعى قارجىلاندىرۋ مٶلشەرٸ سەيكەستەندٸرٸلدٸ. موبيلدٸك توپتىڭ كٷشٸمەن مەملەكەتتٸك ساتىپ الۋدىڭ 23 قاتىسۋشىسىنا تاپسىرىس بەرۋشٸلەر زاڭسىز قايتارماعان كەپٸلدٸك جارنالار قايتارىلدى.
سونىمەن بٸرگە, سانيتارلىق دەرٸگەرلەردٸڭ قاۋلىلارى الىنىپ تاستالىپ, قايتا قارالدى. وسىعان دەيٸن كەسٸپكەرلەر قاۋلى اياسىندا زاڭسىز شەكتەۋلەرگە جول بەرٸلگەندٸگٸ تۋرالى شاعىمدانعان بولاتىن.
«كەسٸپكەرلەر جٷگٸنٸپ, اۋداندار مەن قالالاردىڭ سانيتارلىق دەرٸگەرلەرٸنٸڭ قاۋلىلارىن تالقىلاعاننان كەيٸن موبيلدٸ توپ سانيتارلىق دەرٸگەرلەردٸڭ بيزنەس قۇقىعىن بۇزاتىن تٶرت كارانتيندٸك بۇيرىعىن جويىپ, ٶزگەرتتٸ. سونىمەن قاتار, بٸز 20 شاعىن كەسٸپكەرلٸك سۋبەكتٸسٸنٸڭ قۇقىقتارىن قورعادىق, ولاردى پوليتسييا قىزمەتكەرلەرٸ كارانتيندٸك شەكتەۋلەردٸڭ ساقتالۋىن زاڭسىز تەكسەرگەنٸ انىقتالدى», - دەدٸ الماتى وبلىسى پروكۋرورىنىڭ ورىنباسارى مارات ەبدٸراحمانوۆ.
الاكٶل اۋدانىنىڭ بٸلٸم بەرۋ ۇيىمدارىندا اسحانالار مەن بۋفەتتەردٸ جالعا الاتىن كەسٸپكەرلەردٸڭ ۇجىمدىق ٶتٸنٸشٸ دە بيزنەس پايداسىنا شەشٸلدٸ. بەلگٸلٸ بولعانداي, ۇلتتىق ەكونوميكا مينيسترٸنٸڭ پاندەمييا كەزٸندە مەملەكەتتٸك جىلجىمايتىن مٷلٸك وبەكتٸسٸنٸڭ جالداۋ اقىسىن ەسەپتەمەۋ تۋرالى بۇيرىعىنا قاراماستان, جەرگٸلٸكتٸ اتقارۋشى ورگاندار 21 كەسٸپكەردەن تٶلەم الدى. اۋدان پروكۋراتۋراسىنىڭ ۇسىنىسى بويىنشا ارتىق تٶلەنگەن قاراجات سوماسى قوسىمشا كەلٸسٸممەن 2021 جىلعا ەسەپتەلدٸ.
بيزنەستٸڭ جٷيەلٸ پروبلەمالىق مەسەلەلەرٸ كەسٸپكەرلٸك ٶكٸلدەرٸ مەن ۋەكٸلەتتٸ مەملەكەتتٸك ورگانداردىڭ قاتىسۋىمەن «اتامەكەن» ٶكپ جانىنداعى كەسٸپكەرلەردٸڭ قۇقىقتارىن قورعاۋ جەنە سىبايلاس جەمقورلىققا قارسى ٸس-قيمىل جٶنٸندەگٸ كەڭەس الاڭىندا بەلسەندٸ قارالىپ, شەشٸلۋدە.
«اتامەكەنمەن» بٸرلەسكەن جۇمىستىڭ نەتيجەسٸندە بٷگٸنگٸ تاڭدا بيزنەستٸڭ ٷش پروبلەمالىق مەسەلەسٸ جٷيەلٸ مەسەلەلەر تٸزٸلٸمنەن الىنىپ تاستالدى. قازٸرگٸ ۋاقىتتا ەكٸ ٶڭٸرلٸك جەنە بٸر رەسپۋبليكالىق پروبلەمالىق مەسەلە بار. مىسالى, ينفەكتسييالىق جەنە پروۆيزورلىق ستاتسيونارلاردىڭ جۇمىسىنا تارتىلعان مەديتسينا قىزمەتكەرلەرٸن تاسىمالداۋ, تۇرۋ جەنە ورنالاستىرۋ بويىنشا كٶرسەتٸلگەن قىزمەتتەر ٷشٸن كەسٸپكەرلٸك سۋبەكتٸلەرٸنە تٶلەم جاساۋ پروبلەمالارى تۋرالى جٷيەلٸ مەسەلەنٸ كەڭەس وتىرىسىنا شىعارىپ, قاراستىرىلدى. وندا دەنساۋلىق ساقتاۋ مەكەمەلەرٸنٸڭ بيزنەس سۋبەكتٸلەرٸ الدىنداعى بەرەشەگٸن ٶتەۋ تەتٸگٸ پىسىقتالدى. پروكۋرورلىق قاداعالاۋ اكتٸسٸ بويىنشا بيزنەس سۋبەكتٸلەرٸنە تيٸستٸ قاراجات تولىق كٶلەمدە تٶلەندٸ, كٸنەلٸ ادامدارعا قاتىستى جاۋاپكەرشٸلٸك تۋرالى مەسەلە تەرتٸپتٸك كوميسسييالاردا قارالادى», - دەپ اتاپ ٶتتٸ مارات ەبدٸراحمانوۆ.
ەستەرٸڭٸزگە سالا كەتەيٸك, الماتى وبلىسىندا كەسٸپكەرلەردٸڭ قۇقىقتارىن قورعاۋ بويىنشا موبيلدٸ توپ جۇمىس ٸستەيدٸ. موبيلدٸ توپتىڭ مٸندەتٸ - كەسٸپكەرلٸك سۋبەكتٸلەرٸنٸڭ قۇقىقتارىن بۇزۋ جەنە زاڭدى كەسٸپكەرلٸك قىزمەتكە كەدەرگٸ جاساۋ تۋرالى سيگنالدارىنا جەدەل ەرەكەت ەتۋ. سەنٸم تەلەفوندارى+7 7282 24 06 31, +7 778 169 77 79, +7 777 246 6642.
