الماتى وبلىسىنداعى شارۋا قوجالىقتاردىڭ بٸرٸنەن تابىلعان ارىستان الماتى قالالىق زووباعىنا جەتكٸزٸلدٸ. وعان دجۋما دەگەن ات قويىلدى. بۇل تۋرالى ەكولوگييا, گەولوگييا جەنە تابيعي رەسۋرستار مينيسترلٸگٸ مەلٸم ەتتٸ, دەپ حابارلايدى "ۇلت اقپارات".
ەكولوگييا مينيسترلٸگٸنٸڭ باسپاسٶز حاتشىسى سامال يبراەۆانىڭ ايتۋىنشا, ارىستاندى الماتى زووباعىنا بەرۋ مەسەلەسٸ, بەلسەندٸ ازاماتتاردىڭ ارقاسىندا شەشٸلدٸ.
«ەرينە, جابايى جانۋارلاردىڭ ورنى تابيعاتتا. بٸز ولاردىڭ حايۋاناتتار باعىندا بولۋىن قۇپتامايمىز, بٸراق دەل وسى جاعدايدا باسقا امال جوق. الماتى زووباعى ارىستاندى قابىلدادى. شارۋا قوجالىقتان تابىلعان ارىستان سيمبانىڭ قاۋمالىنا ورنالاستىرىلدى. ول ٷشٸن حالىقارالىق قار بارىسى قورىنا (Snow Leopard Foundation) العىس ايتامىز. ەرينە, ارىستاننىڭ ٶزٸنٸڭ قورشاۋى مەن تاماعى بولۋ كەرەك. ول ايتارلىقتاي قارجىنى تالاپ ەتەدٸ. وسى ورايدا كٶمەك قولىن سوزعان سانجار بوقاەۆ پەن رۋسلان جەمكوۆكە راحمەت ايتامىن. بۇل ازاماتتار ارىستاننىڭ تاماعىنا كراۋدفاندينگ ارقىلى قاراجات جيناۋ شاراسىن ۇيىمداستىردى. ارىستاندى تاماقتاندىرۋ ٷشٸن كٷنٸنە 10-15 كەلٸ ەت قاجەت. بۇل قاراجات زووباعى جانۋاردى ٶز بالانسىنا قابىلداعانعا دەيٸن قاجەت بولادى, بۇل كەم دەگەندە 3-4 ايعا سوزىلادى», - دەدٸ سامال يبراەۆا.
ونىڭ ايتۋىنشا, الماتىداعى جانۋارلاردى قورعاۋ قورىنىڭ مٷشەسٸ ناتاليا سۋلجيك ارىستاندى قۇتقارۋعا بارىن سالعان. ول سانجار بوقاەۆپەن بٸرگە الماتى زووباعىنىڭ ەكٸمشٸلٸگٸمەن شۇعىل تٷردە كەلٸسسٶزدەر جٷرگٸزٸپ, ورنالاستىرۋ مەسەلەسٸن شەشتٸ.
ٶز كەزەگٸندە ناتاليا سۋلجيك Facebook-تەگٸ پاراقشاسىنا زووباقتا تٷسٸرٸلگەن ۆيدەونى سالدى.
«ارىستاننىڭ اتى – دجۋما. الماتى زووباعى ارىستاندى قابىلدادى. الايدا, بٸر شارت قويدى. الداعى ۋاقىتتا وعان سيمبانىكٸ سيياقتى قورشاۋ سالىپ بەرۋ قاجەت. ەزٸرگە بٸزگە ەسكٸ جازعى قورشاۋدى قالپىنا كەلتٸرۋدٸ ۇسىندى. كەلەسٸ جىلدىڭ قىسىنا دەيٸن جاڭا قورشاۋ قاجەت بولادى», - دەپ جازادى ناتاليا.
ەسكە سالا كەتسەك, بۇعان دەيٸن الماتى وبلىسىندا شارۋا قوجالىعى يەسٸنٸڭ ارىستان اسىراپ جاتقانى انىقتالعان بولاتىن. الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 8 اقپان كٷنٸ تالعار اۋدانىنىڭ پوليتسييا باسقارماسىنا حابارلاما كەلٸپ تٷسكەن. ول جەردە بەسقاينار اۋدانىنداعى شارۋا قوجالىقتىڭ بٸرٸندە ارىستان بار ەكەنٸ حابارلانعان. تەرتٸپ ساقشىلارى شاعىم بويىنشا بەلگٸلەنگەن مەكەنجايدى تەكسەرۋگە بارعاندا اقپارات راستالعان.
