الماتى مەتروپوليتەنٸ 17 قاڭتاردان باستاپ جۇمىس ٸستەيدٸ. بۇل تۋرالى قالالىق موبيلدٸلٸك باسقارماسى مەلٸم ەتتٸ, دەپ حابارلايدى قازاقپارات.
باسقارمانىڭ حابارلاۋىنشا, الماتى مەتروپوليتەنٸ 17 قاڭتاردان باستاپ جولاۋشىلارعا ەسٸگٸن قايتا اشادى. تاڭعى ساعات 07:00-دەن كەشكٸ ساعات 21:00-گە دەيٸن جۇمىس ٸستەيدٸ.
پويىزداردىڭ قوزعالىس ينتەرۆالى قاربالاس ۋاقىتتا 10 مينۋت, باسقا ۋاقىتتا 13 مينۋتتان بولادى.
«سونىمەن قاتار, 17 قاڭتاردان باستاپ قوعامدىق كٶلٸك, ونىڭ ٸشٸندە تروللەيبۋستار مەن قالا ماڭى مارشرۋتتارىنىڭ جۇمىس ۋاقىتى ساعات 21:00-گە دەيٸن ۇزارتىلادى. وسىلايشا, قالالىق مارشرۋتتار تاڭعى ساعات 08:00-دەن 21:00-گە دەيٸن, قالا ماڭى مارشرۋتتارى ساعات 09:00-دەن كەشكٸ ساعات 21:00-گە دەيٸن جۇمىس ٸستەيتٸن بولادى», - دەپ حابارلادى الماتى قالالىق موبيلدٸلٸك باسقارماسىنان.
